ನವದೆಹಲಿ, ಅ 21 (DaijiworldNews/HR): ಬೌದ್ಧ ಭಿಕ್ಷುಗಳ ವೇಷ ಧರಿಸಿ ಉತ್ತರ ದೆಹಲಿಯ ಟಿಬೇಟಿಯನ್ ನಿರಾಶ್ರಿತರ ವಸಾಹತುವಿನಲ್ಲಿ ವಾಸಿಸುತ್ತಿದ್ದ ಶಂಕಿತ ಚೀನಿ ಬೇಹುಗಾರ್ತಿಯನ್ನು ಬಂಧಿಸಿರುವ ಘಟನೆ ನಡೆದಿದೆ.
ಈ ಕುರಿತು ಮಾಹಿತಿ ನೀಡಿರುವ ಪೊಲೀಸರು, ಶಂಕಿತ ಚೀನಿ ಬೇಹುಗಾರ್ತಿಯ ಗುರುತಿನ ಚೀಟಿಗಳನ್ನು ಪರಿಶೀಲಿಸಿದಾಗ ದೋಲ್ಮಾ ಲಾಮಾ ಎಂಬ ಹೆಸರು ಇದೆ. ಆದರೆ ಆಕೆಯ ನೈಜ ಹೆಸರು ಕಾಯ್ ರ್ಯೂ ಎಂದು ತಿಳಿಸಿದ್ದಾರೆ.
ಇನ್ನು ದೆಹಲಿ ವಿವಿ ಉತ್ತರ ಕ್ಯಾಂಪಸ್ನ ಬಳಿಯ ಟಿಬೇಟಿಯನ್ ನಿರಾಶ್ರಿತರ ಕಾಲೋನಿ ಪ್ರದೇಶದಲ್ಲಿ ಶಂಕಿತ ಚೀನಿ ಬೇಹುಗಾರ್ತಿ ವಾಸವಿದ್ದಳು ಎನ್ನಲಾಗಿದ್ದು, ಬೌದ್ಧಭಿಕ್ಷುವಿನಂತೆ ವೇಷ ಧರಿಸಿ ವಾಸವಿದ್ದ ಈಕೆ ತಲೆ ಬೋಳಿಸಿಕೊಂಡು ಸಾಂಪ್ರದಾಯಿಕ ಕಡುಕೆಂಪು ಬಣ್ಣದ ರುಮಾಲು ಧರಿಸಿದ್ದಳು ಎನ್ನಲಾಗಿದೆ.