ಚಲಿಸುವ ರೈಲಿನಲ್ಲಿ ಸ್ಪೈಡರ್ ಮ್ಯಾನ್‌ನಂತೆ ಜಿಗಿದು ಸಾಗಿದ ವ್ಯಕ್ತಿ

•   Sat, Oct 15 2022 03:46:19 PM



• ನವದೆಹಲಿ, ಅ 15 (DaijiworldNews/DB): ವ್ಯಕ್ತಿಯೊಬ್ಬ ಚಲಿಸುತ್ತಿದ್ದ ರೈಲಿನಲ್ಲಿ ಮಲಗಿ ನಿದ್ದೆ ಹೋಗಿದ್ದ ಪ್ರಯಾಣಿಕರನ್ನು ದಾಟಲು ಹ್ಯಾಂಡ್ ರೇಲ್‌ನ್ನು ಹಿಡಿದು ಜಿಗಿಯುತ್ತಾ ತೆರಳಿದ ವೀಡಿಯೋವೊಂದು ವೈರಲ್ ಆಗಿದೆ. ಟ್ವಿಟರ್‍ ಬಳಕೆದಾರರು ಈತನನ್ನು ಸ್ಪೈಡರ್ ಮ್ಯಾನ್ ಇನ್ ಇಂಡಿಯಾ ಎಂದು ಬಣ್ಣಿಸಿದ್ದಾರೆ.

  ರೈಲು ಚಲಿಸುತ್ತಿದ್ದ ವೇಳೆ ಪ್ರಯಾಣಿಕರು ಗಾಢ ನಿದ್ದೆಯಲ್ಲಿದ್ದರು. ಆದರೆ ಈ ವ್ಯಕ್ತಿಗೆ ಒಂದು ಬೋಗಿಯಿಂದ ಇನ್ನೊಂದು ಬೋಗಿಯತ್ತ ತೆರಳಬೇಕಿತ್ತು. ಆದರೆ ನಿದ್ರಿಸುತ್ತಿರುವ ಪ್ರಯಾಣಿಕರನ್ನು ದಾಟಿ ಹೋಗುವುದಕ್ಕೆ ಸಾಧ್ಯವಾಗದಿದ್ದಾಗ ಆತ ರೈಲಿನ ಹ್ಯಾಂಡ್ ರೇಲ್‌ನ್ನೇ ದಾಟಲು ಬಳಸಿಕೊಂಡಿದ್ದಾನೆ. ಹ್ಯಾಂಡ್ ರೈಲ್‌ನ್ನು ತೋಳುಗಳ ಸಹಾಯದಿಂದ ಹಿಡಿದುಕೊಂಡು ಸೀಟಿನ ಮೇಲೆ ಹತ್ತಿಕೊಂಡು ಜಿಗಿದು ತಾನು ಹೋಗಬೇಕಾದಲ್ಲಿ ಹೋಗಿದ್ದಾನೆ.

  ಇನ್ನು ಈತನ ಸಾಹಸವನ್ನು ಮೊಬೈಲ್‌ಗಳಲ್ಲಿ ಸೆರೆ ಹಿಡಿದಿರುವ ಇತರ ಪ್ರಯಾಣಿಕರು ವೀಡಿಯೋವನ್ನು ವೈರಲ್ ಮಾಡಿದ್ದಾರೆ. ಟ್ವಿಟರ್ ಬಳಕೆದಾರರೊಬ್ಬರು 'ಸ್ಪೈಡರ್ ಮ್ಯಾನ್ ಇನ್ ಇಂಡಿಯಾ' ಎಂದು ಬರೆದುಕೊಂಡಿದ್ದಾರೆ.

  स्पाइडरमैन भारत में। pic.twitter.com/5QNjJ8OzfP

  — Professor ngl राजा बाबू 🥳🌈 (@GaurangBhardwa1) October 13, 2022