'ನ್ಯಾಯ ವಿಲೇಯಲ್ಲಿ ವಿಳಂಬ ಜನ ಎದುರಿಸುತ್ತಿರುವ ಸವಾಲು'-ಪ್ರಧಾನಿ ಮೋದಿ

•   Sat, Oct 15 2022 12:42:43 PM



• ಕೆವಾಡಿಯಾ, ಅ 15 (DaijiworldNews/DB): ದೇಶದ ಜನ ಎದುರಿಸುತ್ತಿರುವ ಬಹುದೊಡ್ಡ ಸವಾಲುಗಳ ಪೈಕಿ ನ್ಯಾಯ ವಿಲೇವಾರಿಯಲ್ಲಿ ವಿಳಂಬವಾಗುತ್ತಿರುವುದೂ ಒಂದು ಪ್ರಧಾನಿ ನರೇಂದ್ರ ಮೋದಿ ಅಭಿಪ್ರಾಯಪಟ್ಟಿದ್ದಾರೆ.

  ಗುಜರಾತ್ ನ ಕೆವಾಡಿಯಾ ಬಳಿಯ ಎಕ್ತಾ ನಗರ್‌‌ನಲ್ಲಿ ಎರಡು ದಿನಗಳ ಅಖಿಲ ಭಾರತ ಕಾನೂನು ಸಚಿವರು ಮತ್ತು ಕಾನೂನು ಕಾರ್ಯದರ್ಶಿಗಳ ಸಮ್ಮೇಳನವನ್ನು ಉದ್ಘಾಟಿಸಿ ವೀಡಿಯೊ ಕಾನ್ಫರೆನ್ಸ್ ಮೂಲಕ ಮಾತನಾಡಿದ ಅವರು, ಸ್ಪಷ್ಟ ಮತ್ತು ಪ್ರಾದೇಶಿಕ ಭಾಷೆಗಳಲ್ಲೇ ಕಾನೂನು ಬರೆಯಬೇಕು. ಇದರಿಂದ ಬಡವರು, ಅನಕ್ಷರಸ್ಥರಿಗೆ ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗುತ್ತದೆ ಎಂದರು.

  ಅಭಿವೃದ್ದಿಯ ಹಾದಿಯಲ್ಲಿ ಮುನ್ನಡೆಯುವಾಗ ಆಂತರಿಕ ಸುಧಾರಣೆಗಳನ್ನೂ ಜೊತೆಗೇ ಮಾಡುತ್ತಿರುವುದು ಭಾರತದ ವಿಶೇಷತೆ. ಬಳಕೆಯಲ್ಲಿಲ್ಲದ ಕಾನೂನುಗಳು, ಕೆಟ್ಟ ಪದ್ದತಿ ಹಾಗೂ ಸಂಪ್ರದಾಯಗಳನ್ನು ನಮ್ಮ ಸಮಾಜ ಸ್ವಯಂಪ್ರೇರಣೆಯಿಂದ ನಿಲ್ಲಿಸಿದೆ. ಪೂರ್ವಾಗ್ರಹಪೀಡಿತವಾಗಿರುವ ಅಂತಹ ಆಚರಣೆಗಳು ದೇಶದ ಪ್ರಗತಿಗೆ ಹಿನ್ನಡೆಯುಂಟು ಮಾಡುತ್ತದೆ ಎಂದವರು ತಿಳಿಸಿದರು.

  Addressing the inaugural session of All India Conference of Law Ministers and Secretaries. https://t.co/sWk3fhHIIm

  — Narendra Modi (@narendramodi) October 15, 2022