ಪಾಟ್ನಾ, ಅ 15 (DaijiworldNews/HR): ಪ್ರಧಾನಿ ನರೇಂದ್ರ ಮೋದಿ ಅವರು ಒರಿಜಿನಲ್ ಅಲ್ಲ, ಪಕ್ಕಾ ಡುಪ್ಲಿಕೇಟ್ ಅವರು ಹೇಳುತ್ತಿರುವುದೆಲ್ಲಾ ಸುಳ್ಳು ಎಂದು ಬಿಹಾರದ ಜೆಡಿಯು ರಾಷ್ಟ್ರೀಯ ಅಧ್ಯಕ್ಷ ಲಲನ್ ಸಿಂಗ್ ಹೇಳಿದ್ದಾರೆ.
ಪಾಟ್ನಾದಲ್ಲಿ ಸಮಾವೇಶವನ್ನು ಉದ್ದೇಶಿಸಿ ಮಾತನಾಡಿದಾ ಅವರು, 2014ರಲ್ಲಿ ಮೋದಿಯವರು ಲೋಕಸಭೆ ಚುನಾವಣೆಗೆ ಮುನ್ನ ದೇಶವನ್ನು ಸಂಚಾರ ಮಾಡುತ್ತಿರುವ ತಾವು ಅತಿ ಹಿಂದುಳಿದ ವರ್ಗದಿಂದ(ಇಬಿಸಿ) ಬಂದವರು ಎಂದು ಹೇಳುತ್ತಿದ್ದರು. ಗುಜರಾತ್ನಲ್ಲಿ ಇಬಿಸಿ ವರ್ಗವೆಂಬುದು ಇಲ್ಲ ಒಬಿಸಿ ವರ್ಗ ಮಾತ್ರ ಇದೆ. ಅವರು ಗುಜರಾತ್ ಸಿಎಂ ಆಗಿದ್ದ ಸಂದರ್ಭದಲ್ಲಿ ತಮ್ಮ ಜಾತಿ ಒಬಿಸಿ ಎಂದು ಸೇರಿಸಿದ್ದರು. ಹಾಗಾದರೆ ಮೋದಿ ಹೇಳುತ್ತಿರುವುದು ಸುಳ್ಳೇ? ಮೋದಿ ಒರಿಜಿನಲ್ ಅಲ್ಲ, ಪಕ್ಕಾ ಡುಪ್ಲಿಕೇಟ್ ಎಂದು ವಾಗ್ದಾಳಿ ನಡೆಸಿದ್ದಾರೆ.
ಇನ್ನು ಲಲನ್ ಸಿಂಗ್ ಅವರು ಜಾತಿಯ ಬಗ್ಗೆ ಕೀಳುಮಟ್ಟದ ಮಾತುಗಳನ್ನು ಆಡಿರುವುದಕ್ಕೆ ಮೋದಿ ಅಭಿಮಾನಿಗಳು ಮತ್ತು ಪಕ್ಷದ ಕಾರ್ಯಕರ್ತರು ವಿರೋಧ ವ್ಯಕ್ತಪಡಿಸಿದ್ದು, ಅವರನ್ನು ಪಕ್ಷದಿಂದ ಹೊರ ಹಾಕಬೇಕು ಎಂದು ಆಗ್ರಹಿಸಿದ್ದಾರೆ.