'ಪ್ರಧಾನಿ ತಾಯಿಗೆ ಅವಮಾನಿಸಿರುವ ಎಎಪಿಗೆ ಗುಜರಾತಿಗಳಿಂದ ತಕ್ಕ ಪಾಠ'-ಸ್ಮೃತಿ ಇರಾನಿ

•   Fri, Oct 14 2022 01:05:00 PM



• ನವದೆಹಲಿ, ಅ 14 (DaijiworldNews/DB): ಪ್ರಧಾನಿ ನರೇಂದ್ರ ಮೋದಿಯವರ ತಾಯಿಯನ್ನು ಅವಮಾನಿಸಿರುವ ಆಮ್‌ ಆದ್ಮಿ ಪಕ್ಷಕ್ಕೆ ಗುಜರಾತಿ ಜನರು ತಕ್ಕ ಪಾಠ ಕಲಿಸುತ್ತಾರೆ ಎಂದು ಬಿಜೆಪಿ ಹೇಳಿದೆ.

  ಮೋದಿ ಅವರ ತಾಯಿ ಕುರಿತು ಗುಜರಾತ್ ಎಎಪಿ ಮುಖ್ಯಸ್ಥ ಗೋಪಾಲ್ ಇಟಾಲಿಯಾ ಅವಮಾನಿಸಿದ್ದಾರೆಂದು ಆರೋಪಿಸಿ ಅವರು ಮಾತನಾಡುತ್ತಿರುವ ಹಳೆಯ ವೀಡಿಯೋವೊಂದನ್ನು ಟ್ವೀಟ್ ಮಾಡಿರುವ ಕೇಂದ್ರ ಸಚಿವೆ ಸ್ಮೃತಿ ಇರಾನಿ, ಮೋದಿ ಅವರ ತಾಯಿ 100 ವರ್ಷದ ಹೀರಾಬೆನ್‌ ಅವರನ್ನು ಗೋಪಾಲ್ ಇಟಾಲಿಯಾ ಅವಮಾನಿಸಿದ್ದಾರೆ. ಅವರ ತಾಯಿಯನ್ನು ಅವಮಾನಿಸಿದರೆ ತಾಜಕೀಯ ಲಾಭ ಪಡೆಯಬಹುದು ಎಂಬ ಉದ್ದೇಶ ಎಎಪಿಯದ್ದು. ಆದರೆ ಅದು ಅವರ ಕಲ್ಪನೆಯಷ್ಟೇ. ಇಂತಹ ಮಾತುಗಳಿಗೆ ಮುಂದೆ ತಕ್ಕ ಬೆಲೆ ತೆರಬೇಕಾಗಬಹುದು. ಆ ಕೆಲಸವನ್ನು ಖಂಡಿತಾ ಗುಜರಾತಿ ಜನಗಳು ಮಾಡಲಿದ್ದಾರೆ ಎಂದಿದ್ದಾರೆ.

  ಇಟಾಲಿಯ ಅವರು ಕೇಜ್ರೀವಾಲ್ ಸಲಹೆಯಂತೆ ಇಂತಹ ಹೇಳಿಕೆಗಳನ್ನು ನೀಡಿದ್ದಾರೆ. ಅವರಷ್ಟೇ ಅಲ್ಲದೆ, ಎಎಪಿಯ ಗುಜರಾತ್ ಮುಖಂಡರ ಪೈಕಿ ಹಲವರು ಈ ರೀತಿ ಮಾತನಾಡುತ್ತಿದ್ದಾರೆ. ದೇವಸ್ಥಾನಗಳಿಗೆ ಹೋಗುವ ಮಹಿಳೆಯರು ಮತ್ತು ಹಿಂದೂ ಮಹಿಳೆಯರನ್ನು ಅವಮಾನ ಮಾಡಿದ್ದಾರೆ, ಧಾರ್ಮಿಕ ಸ್ಥಳಗಳು ಮಹಿಳೆಯರನ್ನು ಷೋಷಣೆ ಮಾಡುವ ಸ್ಥಳಗಳು, ಅಲ್ಲಿಗೆ ಹೋಗಬಾರದು ಎನ್ನುವ ಮೂಲಕ ಇಟಾಲಿಯ ಧಾರ್ಮಿಕ ಸ್ಥಳಗಳ ಬಗ್ಗೆ ಮಾತನಾಡಿರುವುದು ಅಕ್ಷಮ್ಯ ಎಂದು ಸ್ಮೃತಿ ಇರಾನಿ ಆರೋಪಿಸಿದ್ದಾರೆ.

  હીરાબા માતૃશક્તિનું સ્વરૂપ છે.
  
  કેજરીવાલના ખાસ એવા ગોપાલ ઇટાલિયાએ 100 વર્ષીય હીરાબાને પણ પોતાની નફરતની રાજનીતિથી બાકાત ન રાખ્યા. ગુજરાત જેવા સભ્ય સમાજમાં AAP અને તેની વિકૃત માનસિકતા માટે કોઈ સ્થાન નથી.
  
  ગુજરાતના નામે માતૃશક્તિના આવા અપમાનનો ન્યાય હવે ગુજરાતીઓ પોતાના મતથી કરશે. https://t.co/116fSRtia0

  — Smriti Z Irani (@smritiirani) October 13, 2022