ಎರಡು ಕೋಣೆಗೆ ಒಂದೇ ಎಸಿ-ಮಾಲಕನ ಜಾಣ ನಡೆಗೆ ನೆಟ್ಟಿಗರು ಫಿದಾ

•   Thu, Oct 13 2022 03:45:48 PM



• ಮುಂಬೈ, ಅ 13 (DaijiworldNews/DB): ಗ್ರಾಹಕರಿಗೆ ಹವಾನಿಯಂತ್ರಿತ ವ್ಯವಸ್ಥೆ ಕಲ್ಪಿಸಿಕೊಡಬೇಕು, ಇನ್ನೊಂದೆಡೆ ವಿದ್ಯುತ್ ಖರ್ಚಾಗುವುದನ್ನೂ ನಿಯಂತ್ರಿಸಬೇಕು. ಇದಕ್ಕಾಗಿ ಇಲ್ಲೊಬ್ಬ ಹೊಟೇಲ್ ಮಾಲಕ ಕಂಡುಕೊಂಡ ಐಡಿಯಾ ಹುಬ್ಬೇರಿಸುವಂತಿದೆ. ಎರಡೂ ರೂಂಗಳ ನಡುವೆ ರಂಧ್ರ ಕೊರೆದು ಎಸಿ ಅಳವಡಿಸಿದ್ದು, ಎರಡು ರೂಂಗಳನ್ನು ಕೂಡಾ ಇದು ಕೂಲ್ ಮಾಡುತ್ತಿದೆ!

  ಮುಂಬೈಯಂತಹ ಬಿಸಿಲಿನ ಬೇಗೆಯಿರುವ ಮಹಾನಗರಗಳಲ್ಲಿ ಪ್ರವಾಸಿಗರು ಹವಾನಿಯಂತ್ರಿತ ವ್ಯವಸ್ಥೆ ಇರುವ ಹೊಟೇಲ್‌ ಲಾಡ್ಜ್‌ಗಳನ್ನೇ ಉಳಿದುಕೊಳ್ಳಲು ಆಯ್ಕೆ ಮಾಡುತ್ತಾರೆ. ಗ್ರಾಹಕರ ಅಗತ್ಯಕ್ಕೆ ತಕ್ಕಂತೆ ರೂಂಗಳನ್ನು ಪೂರೈಸಬೇಕಾದ ಜರೂರತ್ತು ಮಾಲಕನಿಗಿರುತ್ತದೆ. ಆದರೆ, ಇತ್ತ ವಿದ್ಯುತ್ ಉಳಿತಾಯ ಮೂಲಕ ಒಂದಷ್ಟು ಲಾಭ ಗಳಿಸುವ ಯೋಜನೆಯೂ ಮಾಲಕನದ್ದಾಗಿರುತ್ತದೆ. ಅದಕ್ಕಾಗಿಯೇ ಮುಂಬೈನ್ ಹೊಟೇಲ್‌ವೊಂದರ ಮಾಲಕ ಜಾಣತನದ ನಡೆ ಅನುಸರಿಸಿದ್ದಾನೆ. ಈತ ಎರಡು ರೂಂಗಳ ನಡುವೆ ರಂಧ್ರ ಕೊರೆದು ಎರಡೂ ರೂಂಗಳಿಗೆ ಸಮಾನವಾಗಿ ಹವಾನಿಯಂತ್ರಿತ ಯಂತ್ರವನ್ನು ಅಳವಡಿಕೆ ಮಾಡಿದ್ದಾನೆ. ಒಂದೇ ಎಸಿ ವ್ಯವಸ್ಥೆಯಲ್ಲಿ ಎರಡೂ ರೂಂಗಳನ್ನು ಕೂಲ್ ಆಗಿಸುವಂತಹ ವ್ಯವಸ್ಥೆಯಿದು. ಹತ್ತು ವರ್ಷಗಳ ಹಿಂದೆ ಈ ರೂಂನಲ್ಲಿ ತಂಗಿದ್ದ ತನ್ನ ಅನುಭವವನ್ನು ಅನುರಾಗ್‌ ಎಂಬ ಟ್ವಿಟರ್‍ ಬಳಕೆದಾರರೊಬ್ಬರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

  ಹತ್ತು ವರ್ಷದ ಹಿಂದೆ ಅನುರಾಗ್‌ ಮುಂಬೈನಲ್ಲಿ ಕೆಲ ದಿನದ ಮಟ್ಟಿಗೆ ಉಳಿದುಕೊಳ್ಳಲು ಹವಾನಿಯಂತ್ರಿತ ಕೊಠಡಿಗಾಗಿ ಹುಡುಕಾಡಿದಾಗ ಅವರಿಗೆ ಸ್ಪ್ಲಿಟ್ ಎಸಿ ಇರುವ ಕೋಣೆ ಸಿಕ್ಕಿತ್ತು. ಆದರೆ ಈ ಕೋಣೆಯಲ್ಲಿ ಎರಡು ಕೊಠಡಿಗಳಿಗೆ ಒಂದೇ ಎಸಿ ವ್ಯವಸ್ಥೆಯನ್ನು ಒದಗಿಸಲಾಗಿತ್ತು. ರಂಧ್ರ ಕೊರೆದು ಎರಡಕ್ಕೂ ಎಸಿ ಸಿಗುವ ಹಾಗೆ ಮಾಡಿದ ಫೋಟೋವನ್ನು ಅನುರಾಗ್ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಮಾಲಕನ ಜಾಣ ನಡೆಗೆ ನೆಟ್ಟಿಗರು ಫಿದಾ ಆಗಿದ್ದಾರೆ.

   

  Booked this room in Mumbai in 2011, where the manager promised the split AC room. It was literally a split AC room which was split into two rooms. One half in ours and rest in another where 2 uncles were playing ay Ganpat chal daaru la song in full volume till 4 in the morning. pic.twitter.com/HhEYv9ftg1

  — Anurag Minus Verma (@confusedvichar) October 10, 2022