ನವದೆಹಲಿ,ಅ 12 (DaijiworldNews/MS): ಕಳೆದ 9 ತಿಂಗಳಲ್ಲಿ 191 ಡ್ರೋನ್ಗಳು ಪಾಕಿಸ್ತಾನದಿಂದ ಭಾರತದ ಭೂಪ್ರದೇಶಕ್ಕೆ ಅಕ್ರಮ ಪ್ರವೇಶಿಸಿವೆ. ಈ ಪೈಕಿ 7 ಡ್ರೋನ್ಗಳನ್ನು ಭದ್ರತಾ ಪಡೆ ಹೊಡೆದುರುಳಿಸಿದೆ. ಇದು ದೇಶದ ಆಂತರಿಕ ಭದ್ರತೆಯ ವಿಷಯದಲ್ಲಿ ಪ್ರಮುಖ ಕಳವಳವನ್ನು ಹುಟ್ಟುಹಾಕಿದೆ.
ಪಾಕಿಸ್ತಾನದ ಕಡೆಯಿಂದ ಇಂತಹ ಅಕ್ರಮ ಯತ್ನಗಳನ್ನು ನಿರ್ವಹಿಸಲು ಭಾರತ-ಪಾಕಿಸ್ತಾನ ಗಡಿಯಲ್ಲಿ ನಿಯೋಜಿಸಲಾದ ಭದ್ರತಾ ಪಡೆಗಳ ಇನ್ಪುಟ್ ಅನ್ನು ಕೇಂದ್ರ ಸರ್ಕಾರ ಇತ್ತೀಚೆಗೆ ಹಂಚಿಕೊಂಡಿದೆ
191 ಡ್ರೋನ್ಗಳಲ್ಲಿ 171 ಡ್ರೋನ್ಗಳು ಪಂಜಾಬ್ ವಲಯದಲ್ಲಿರುವ ಭಾರತ-ಪಾಕಿಸ್ತಾನ ಗಡಿಯ ಮೂಲಕ ನಮ್ಮ ಭೂಪ್ರದೇಶವನ್ನು ಪ್ರವೇಶಿಸಿವೆ. 20 ಡ್ರೋನ್ಗಳು ಜಮ್ಮು ವಲಯದಲ್ಲಿ ಅಕ್ರಮವಾಗಿ ನುಸುಳಿದ್ದವು ಎಂದು ವರದಿಯಾಗಿದೆ. ಇದರಿಂದಾಗಿ ದೇಶದ ಆಂತರಿಕ ಭದ್ರತೆಯ ವಿಷಯದಲ್ಲಿ ಕಳವಳ ವ್ಯಕ್ತವಾಗಿದೆ
ಮಾಹಿತಿಯ ಪ್ರಕಾರ, ಮೊದಲ ಡ್ರೋನ್ ಅನ್ನು ಜನವರಿ 18 ರಂದು ಹವೇಲಿಯನ್ ಬಾರ್ಡರ್ ಔಟ್ ಪೋಸ್ಟ್ (BoP) ಬಳಿ ಪಂಜಾಬ್ನ ಅಮೃತಸರದಲ್ಲಿ BSF ಹೊಡೆದುರುಳಿಸಿತು. ಫೆಬ್ರವರಿ 13 ರಂದು ಬಿಎಸ್ಎಫ್ ಸಿಬ್ಬಂದಿ ಮತ್ತೊಂದು ಡ್ರೋನ್ ಅನ್ನು ಭಾರತೀಯ ಪ್ರದೇಶಕ್ಕೆ ಪ್ರವೇಶಿಸಿದ ಕೂಡಲೇ ಅದನ್ನು ಹೊಡೆದುರುಳಿಸಿದರು ಮತ್ತು ಅಮೃತಸರದ ಸಿಬಿ ಚಂದ್ ಬಿಒಪಿ ಬಳಿ ಇದನ್ನು ಗಮನಿಸಲಾಯಿತು. BSF ಸಿಬ್ಬಂದಿ ಮಾರ್ಚ್ 7 ಮತ್ತು ಮಾರ್ಚ್ 9 ರಂದು ಫಿರೋಜ್ಪುರದ ಟಿಜೆ ಸಿಂಗ್ ಮತ್ತು ಅಮೃತಸರದ ಹವೇಲಿಯನ್ ಬಿಒಪಿಗಳಲ್ಲಿ ಕ್ರಮವಾಗಿ ಎರಡು ಡ್ರೋನ್ಗಳನ್ನು ಹೊಡೆದುರುಳಿಸಿದ್ದಾರೆ.