ಇರಾನ್​ ಮಹಿಳೆಯರ ಮೇಲೆ ನೈತಿಕ ಪೊಲೀಸ್​ಗಿರಿ- ನನ್ನ ದೇಹ ನನ್ನ ಆಯ್ಕೆ ಎಂದ ಬಾಲಿವುಡ್​ ನಟಿ

•   Wed, Oct 12 2022 11:41:42 AM



• ನವದೆಹಲಿ, ಅ 12 (DaijiworldNews/DB): ಹಿಜಾಬ್ ವಿರುದ್ದ ಸಿಡಿದೆದ್ದಿರುವ ಇರಾನ್‌ ಹೆಣ್ಣು ಮಕ್ಕಳ ಮೇಲೆ ಅಲ್ಲಿ ನಡೆಯುತ್ತಿರುವ ನೈತಿಕ ಪೊಲೀಸ್‌ಗಿರಿಯನ್ನು ವಿರೋಧಿಸಿ ಬಾಲಿವುಡ್ ನಟಿ, ಇರಾನ್ ಮೂಲದ ಎಲ್ನಾಜ್ ನೊರೌಜಿ ತಾವು ಧರಿಸಿದ ಬಟ್ಟೆಯನ್ನು ಒಂದೊಂದಾಗಿ ಕಳಚುವ ಮೂಲಕ ಪ್ರತಿಭಟನಾನಿರತ ಇರಾನ್ ಮಹಿಳೆಯರಿಗೆ ಬೆಂಬಲ ಸೂಚಿಸಿದ್ದಾರೆ. ಅಲ್ಲದೆ ನನ್ನ ದೇಹ, ನನ್ನ ಆಯ್ಕೆ ಎನ್ನುವ ಮೂಲಕ ತಮ್ಮಿಷ್ಟದ ಉಡುಪು ಧರಿಸುವ ಹಕ್ಕು ಮಹಿಳೆಯರಿಗಿದೆ ಎಂದು ಸಂದೇಶ ರವಾನಿಸಿದ್ದಾರೆ.

  ಈ ಕುರಿತು ಇನ್‌ಸ್ಟಾಗ್ರಾಂನಲ್ಲಿ ವೀಡಿಯೋ ಪೋಸ್ಟ್‌ ಮಾಡಿರುವ ನಟಿ ಎಲ್ನಾಜ್, ತಾನು ಧರಿಸಿದ್ದ ಬಟ್ಟೆಯ ಪದರಗಳನ್ನು ಒಂದೊಂದಾಗಿ ಕಳಚಿ ವಿವಸ್ತ್ರಳಾಗಿದ್ದಾರೆ. ಬಳಿಕ ನನಗೆ ಇಷ್ಟವಾದದ್ದನ್ನೇ ನಾನು ಧರಿಸುತ್ತೇನೆ, ಇದು ನನ್ನ ಹಕ್ಕು, ನನ್ನ ದೇಹ ನನ್ನ ಹಕ್ಕು. ನನ್ನಿಷ್ಟವನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ ಎಂದು ಸಂದೇಶ ರವಾನೆ ಮಾಡಿದ್ದಾರೆ.

  ವಿಶ್ವದ ಎಲ್ಲಾ ಮಹಿಳೆಯರಿಗೂ ಅವರಿಷ್ಟದ ಉಡುಗೆ ತೊಡುಗೆ ಧರಿಸುವ ಹಕ್ಕಿದೆ. ಯಾವುದೇ ಪುರುಷ ಅಥವಾ ಮಹಿಳೆ ಆಕೆಯ ಬಗ್ಗೆ ನಿರ್ಣಯ ತೆಗೆದುಕೊಳ್ಳುವುದು ಸಾಧ್ಯವಿಲ್ಲ. ಅವಳ ಧಿರಿಸಿನ ವಿಷಯದಲ್ಲಿ ಇನ್ನೊಬ್ಬರು ಮೂಗು ತೂರಿಸುವ ಅಧಿಕಾರವಿಲ್ಲ. ಪ್ರಜಾಪ್ರಭುತ್ವ ಎಂದರೆ ನಿರ್ಧರಿಸುವ ಶಕ್ತಿ, ತನ್ನ ದೇಹದ ಮೇಲೆ ನಿರ್ಧರಿಸುವ ಅಧಿಕಾರವೂ ಮಹಿಳೆಗಿದೆ. ನಗ್ನತೆಯ ಪ್ರಚಾರದ ಉದ್ದೇಶ ನನ್ನದಲ್ಲ, ಆಯ್ಕೆಯ ಸ್ವಾತಂತ್ರ್ಯವನ್ನು ಪ್ರಚಾರ ಮಾಡುತ್ತಿದ್ದೇನೆ ಎಂದು ಎಲ್ನಾಜ್​ ಬರೆದುಕೊಂಡಿದ್ದಾರೆ. ಎಲ್ಜಾಜ್ ನೆಟ್​ಫ್ಲಿಕ್ಸ್​ ಸರಣಿಯ 'ಸೇಕ್ರೆಡ್​ ಗೇಮ್ಸ್​'ನಲ್ಲಿ ನಟಿಸಿದ್ದಾರೆ.

  View this post on Instagram

  A post shared by Elnaaz Norouzi (@iamelnaaz)