ಇನ್ಫೋಸಿಸ್‌ ಅಧ್ಯಕ್ಷ ಸ್ಥಾನಕ್ಕೆ ರವಿ ಕುಮಾರ್‌ ರಾಜೀನಾಮೆ

•   Wed, Oct 12 2022 11:17:31 AM



• ನವದೆಹಲಿ, ಅ 12 (DaijiworldNews/MS): ಇನ್ಫೋಸಿಸ್‌ ಕಂಪನಿಯ ಅಧ್ಯಕ್ಷ ಸ್ಥಾನಕ್ಕೆ ಎಸ್‌.ರವಿ ಕುಮಾರ್‌ ರಾಜೀನಾಮೆ ಸಲ್ಲಿಸಿದ್ದಾರೆ. ಅ.11ರಿಂದಲೇ ರಾಜೀನಾಮೆ ಅನ್ವಯವಾಗಲಿದೆ. ಪ್ರಸಕ್ತ ವಿತ್ತೀಯ ೨ನೇ ತ್ರೈಮಾಸಿಕದ ವರದಿ ಪ್ರಕಟವಾಗುವ ಮೊದಲೇ ಈ ಮಹತ್ವದ ಬೆಳವಣಿಗೆ ನಡೆದಿದ್ದು, ಅವರ ರಾಜೀನಾಮೆಗೆ ಕಾರಣ ಏನು ಎಂಬುದು ಸದ್ಯಕ್ಕೆ ಪ್ರಕಟವಾಗಿಲ್ಲ.

  ರವಿ ಕುಮಾರ್‌ಅವರು ಕಂಪನಿಯ ಅಧ್ಯಕ್ಷರಾಗಿ ಸಲ್ಲಿಸಿದ ಸೇವೆಯನ್ನು ಆಡಳಿತ ಮಂಡಳಿ ಮೆಚ್ಚುಗೆ ವ್ಯಕ್ತಪಡಿಸಿದೆ.. ತಂತ್ರಜ್ಞಾನ, ಮೂಲಸೌಕರ್ಯ, ಎಂಜಿನಿಯರಿಂಗ್‌ ಎಲ್ಲವನ್ನೂ ನಿಭಾಯಿಸಿದ್ದ ಅವರು, ಡಿಜಿಟಲ್‌ ಮಾರ್ಕೆಟಿಂಗ್‌ ಅನ್ನು ಯಶಸ್ವಿಯಾಗಿ ನಿಭಾಯಿಸಿದ್ದರು. 2002ರಲ್ಲಿ ರವಿಕುಮಾರ್‌ ಅವರು ಇನ್ಫೋಸಿಸ್‌ಗೆ ಸೇರಿದ್ದರು. 2016ರಲ್ಲಿಅಧ್ಯಕ್ಷರಾಗಿ ನೇಮಕಗೊಳ್ಳುವ ಮೊದಲು ಅವರು, ವಿಮೆ ಮತ್ತು ಪಾವತಿ ವ್ಯವಹಾರಗಳನ್ನು ನೋಡಿಕೊಳ್ಳುತ್ತಿದ್ದರು.

  ಇನ್ಫೋಸಿಸ್‌ನಲ್ಲಿ ಹೆಚ್ಚು ಸಂಭಾವನೆ ಪಡೆಯುವ ಸಿಇಒ ಸಲೀಲ್‌ ಪರೇಖ್‌ ಮತ್ತು ಮಾಜಿ ಸಿಒಒ ಯುಬಿ ಪ್ರವೀಣ್‌ ರಾವ್‌ ನಂತರದ ಸ್ಥಾನದಲ್ಲಿ ರವಿ ಕುಮಾರ್‌ ಇದ್ದರು.