ಗುಜರಾತ್, ಅ 09 (DaijiworldNews/DB): ಗುಜರಾತ್ನಲ್ಲಿ ಮಾಟಗಾತಿ ಎಂಬ ಅರ್ಥ ಕೊಡುವ ಹಳ್ಳಿಯೊಂದರ ಹೆಸರಿನಿಂದಾಗಿ ಆ ಊರಿನ ಮಹಿಳೆಯರು ಸಹಿತ ಗ್ರಾಮಸ್ಥರು ತೀವ್ರ ಮುಜುಗರಕ್ಕೊಳಗಾಗಿದ್ದಾರಂತೆ. ಅದಕ್ಕಾಗಿ ಇದೀಗ ಗ್ರಾಮದ ಹೆಸರನ್ನೇ ಬದಲಾಯಿಸುವಂತೆ ಒಕ್ಕೊರಲ ಆಗ್ರಹ ಮಂಡಿಸಿದ್ದಾರೆ.
ಸೂರತ್ ಜಿಲ್ಲೆಯ ಮಾಂಡವಿ ತಾಲೂಕಿನಲ್ಲಿರುವ ಹಳ್ಳಿಯೊಂದರ ಹೆಸರು ಹೆಸರು ಚುಡೆಲ್. 'ಚುಡೆಲ್' ಎಂದರೆ ಮಾಟಗಾತಿ ಎಂಬರ್ಥವಿದೆ. ಮಾಟಗಾತಿ ಪದ ಕೇಳುವಾಗಲೇ ನಡುಕವಾಗುತ್ತದೆ. ಹೀಗಿರುವಾಗ ಹಳ್ಳಿಯೊಂದರ ಹೆಸರು ಹಾಗಿದ್ದರೆ?
ಹೌದು. ತಮ್ಮ ಹಳ್ಳಿಯ ಹೆಸರಿನಿಂದ ತೀವ್ರ ಮುಜುಗರಕ್ಕೀಡಾದ ಜನ ಹೆಸರು ಬದಲಾವಣೆಗೆ ಒತ್ತಾಯಿಸಿದ್ದಾರೆ. ಜನರ ಒತ್ತಾಯಕ್ಕೆ ಮಣಿದು ಸ್ಥಳೀಯ ಸಂಸದ ಪ್ರಭು ವಾತ್ಸವ ಅವರು ಕೇಂದ್ರಕ್ಕೆ ಪ್ರಸ್ತಾವನೆ ಸಲ್ಲಿಸಿದ್ದರುಆದರೆ ಇದು ರಾಜ್ಯ ಸರ್ಕಾರದ ವ್ಯಾಪ್ತಿಗೆ ಬರುವುದರಿಂದ ಗುಜರಾತ್ ಸರ್ಕಾರಕ್ಕೆ ವಾಪಸ್ ಕಳುಹಿಸಲಾಗಿದೆ. ಇದೀಗ ಚುಡೇಲ್ ಗ್ರಾಮ ಪಂಚಾಯತ್ನ ಜಿಲ್ಲಾ ಮಟ್ಟದ ಸಭೆಯಲ್ಲಿ ಪ್ರಸ್ತಾಪ ಮುಂದಿಡಲಾಗಿದ್ದು, ಗ್ರಾಮ ಪಂಚಾಯತ್ ಗ್ರಾಮದ ಹೆಸರನ್ನು ಚಂದನಪುರ ಎಂದು ಬದಲಾಯಿಸಲು ಮುಂದಾಗಿದೆ.