ಜನವಸತಿ ಕಟ್ಟಡದೊಳಗೆ ಬೆಂಕಿ-ಹಲವರು ಸಿಲುಕಿರುವ ಶಂಕೆ

•   Sat, Oct 08 2022 04:43:01 PM



• ಮುಂಬೈ, ಅ 08 (DaijiworldNews/DB): ಮುಂಬೈಯ ಉಪನಗರ ನ್ಯೂ ತಿಲಕ್ ನಗರದ ಜನವಸತಿ ಕಟ್ಟಡವೊಂದರಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು, ಹಲವರು ಕಟ್ಟಡದೊಳಗೆ ಸಿಲುಕಿರುವ ಶಂಕೆ ವ್ಯಕ್ತವಾಗಿದೆ.

  ಶನಿವಾರ ಮಧ್ಯಾಹ್ನ ವೇಳೆಗೆ ಬೆಂಕಿ ಕಾಣಿಸಿಕೊಂಡಿದ್ದು, ಕೂಡಲೇ ಅಗ್ನಿಶಾಮಕ ದಳದ ಸಿಬಂದಿ ಸ್ಥಳಕ್ಕಾಗಮಿಸಿ ಬೆಂಕಿ ನಂದಿಸಿದ್ದಾರೆ.

  ಈ ಕಟ್ಟಡವು ಜನವಸತಿ ಇರುವ ಕಟ್ಟಡವಾಗಿರುವುದರಿಂದ ಕಟ್ಟಡದೊಳಗೆ ಹಲವರು ವಾಸಿಸುತ್ತಿದ್ದರು. ಬೆಂಕಿ ಕಾಣಿಸಿಕೊಂಡ ಸಮಯದಲ್ಲಿಯೂ ಜನ ಕಟ್ಟಡದೊಳಗೆ ಇದ್ದರು. ಹೀಗಾಗಿ ಹಲವರು ಅಲ್ಲೇ ಸಿಲುಕಿರುವ ಶಮಕೆ ವ್ಯಕ್ತವಾಗಿದೆ.

  ಆದರೆ ಇದುವರೆಗೆ ಯಾವುದೇ ಜೀವಹಾನಿ ಬಗ್ಗೆ ವರದಿಯಾಗಿಲ್ಲ ಎಂದು ಮುಂಬೈ ಅಗ್ನಿಶಾಮಕ ದಳ ತಿಳಿಸಿರುವುದಾಗಿ ವರದಿಯಾಗಿದೆ.