ಕುನೋ, ಅ 07 (DaijiworldNews/MS):ನಮೀಬಿಯಾದಿಂದ ತರಲಾದ ಮಧ್ಯಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನದಲ್ಲಿರುವ ಚೀತಾಗಳ ಮೇಲ್ವಿಚಾರಣೆ ಮಾಡಲು ಒಂಬತ್ತು ಸದಸ್ಯರ ಕಾರ್ಯಪಡೆಯನ್ನು ರಚಿಸಲಾಗಿದೆ. ಈ ಸಮಿತಿಯ ಸದಸ್ಯರು ಚೀತಾಗಳ ಬೇಟೆಯ ಕೌಶಲ್ಯ ಪ್ರಗತಿ ಪರಿಶೀಲನೆ ಮತ್ತು ಆರೋಗ್ಯ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುವತ್ತ ಗಮನ ಹರಿಸುತ್ತಾರೆ.
ಈ ಸಮಿತಿಯಲ್ಲಿ, ನಿವೃತ್ತ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ (ವನ್ಯಜೀವಿ) ಮತ್ತು ಮುಖ್ಯ ವನ್ಯಜೀವಿ ವಾರ್ಡನ್, ಮಧ್ಯಪ್ರದೇಶ - ಸದಸ್ಯ, ಅಲೋಕ್ ಕುಮಾರ್, ಡಾ ಅಮಿತ್ ಮಲ್ಲಿಕ್ - ಇನ್ಸ್ಪೆಕ್ಟರ್ ಜನರಲ್ NTCA, ಡಾ ವಿಷ್ಣು ಪ್ರಿಯಾ, ಭಾರತೀಯ ವನ್ಯಜೀವಿ ಸಂಸ್ಥೆ, ಡೆಹ್ರಾಡೂನ್, ಅಭಿಲಾಷ್ ಖಂಡೇಕರ್ ಎಸ್ಬಿಡಬ್ಲ್ಯೂಎಲ್, ಭೋಪಾಲ್ ಸುಭೋರಂಜನ್ ಸೇನ್, ಎಪಿಸಿಸಿಎಫ್- ವನ್ಯಜೀವಿ ಇವರು ಸಮಿತಿಯ ಭಾಗವಾಗಿದ್ದಾರೆ.
1952 ರಲ್ಲಿ ದೇಶದಲ್ಲಿ ಅಳಿವಿನಂಚಿನಲ್ಲಿದೆ ಎಂದು ಘೋಷಿಸಿದ 70 ವರ್ಷಗಳ ನಂತರ ಚೀತಾ ಭಾರತಕ್ಕೆ ಮರಳಿ ತರಲಾಗಿತ್ತು. ನಮೀಬಿಯಾದಿಂದ ಕರೆತಂದ ಐದು ಹೆಣ್ಣು ಮತ್ತು ಮೂರು ಗಂಡು ಎಂಬ ಎಂಟು ಚೀತಾಗಳ ಮೊದಲ ಬ್ಯಾಚ್ ಅನ್ನು ಕುನೋ ರಾಷ್ಟ್ರೀಯ ಉದ್ಯಾನವನದ ಆವರಣಕ್ಕೆ ಪ್ರಧಾನಿ ಮೋದಿ ಸೆ. 17 ರಂದು ಬಿಡುಗಡೆ ಮಾಡಿದ್ದರು.