ಸಿದ್ದಿಕ್ ಕಪ್ಪನ್‌ಗೆ ಪಿಎಫ್‌‌ಐನೊಂದಿಗೆ ಲಿಂಕ್ ಇದೆ - ಯುಪಿ ಸರ್ಕಾರ

•   Wed, Sep 07 2022 09:46:51 AM



• ಉತ್ತರ ಪ್ರದೇಶ, ಸೆ 07 (DaijiworldNews/HR): ಬಂಧಿತ ಕೇರಳದ ಪತ್ರಕರ್ತ ಸಿದ್ದಿಕ್ ಕಪ್ಪನ್ ಅವರು ಸುಪ್ರೀಂ ಕೋರ್ಟ್‌ನಲ್ಲಿ ಸಲ್ಲಿಸಿರುವ ಜಾಮೀನು ಅರ್ಜಿಯನ್ನು ಉತ್ತರ ಪ್ರದೇಶ ಸರ್ಕಾರ ವಿರೋಧಿಸಿದ್ದು, ಸಿದ್ದಿಕ್‌ಗೆ ಪಿಎಫ್‌‌ಐನೊಂದಿಗೆ ಲಿಂಕ್ ಇದೆ ಎಂದು ಆರೋಪಿಸಿದೆ.

  ಉತ್ತರ ಪ್ರದೇಶ ಸರ್ಕಾರವು ಕಪ್ಪನ್ ವಿರುದ್ಧ ಕಾನೂನುಬಾಹಿರ ಚಟುವಟಿಕೆಗಳ ತಡೆ ಕಾಯಿದೆ (ಯುಎಪಿಎ) ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದು, ಕಪ್ಪನ್ ಉಗ್ರಗಾಮಿ ಸಂಘಟನೆ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (ಪಿಎಫ್‌ಐ) ಯೊಂದಿಗೆ ನಿಕಟ ಸಂಪರ್ಕ ಹೊಂದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

  ಪಿಎಫ್‌ಐ ಮತ್ತು ಅದರ ವಿಭಾಗವಾದ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ (ಸಿಎಫ್‌ಐ) ನಂತಹ ಭಯೋತ್ಪಾದಕ ನಿಧಿ/ಯೋಜನೆ ಸಂಸ್ಥೆಗಳೊಂದಿಗೆ ಕಪ್ಪನ್ ಸಂಪರ್ಕ ಹೊಂದಿರುವುದಾಗಿ ಉತ್ತರ ಪ್ರದೇಶ ಸರ್ಕಾರ ತನ್ನ ಅಫಿಡವಿಟ್‌ನಲ್ಲಿ ತಿಳಿಸಿದೆ.