ಬಿಹಾರ: ಆರ್‌ಜೆಡಿ ಪಕ್ಷದ ನಾಯಕ ವಿಜೇಂದ್ರ ಯಾದವ್‌ಗೆ ಗುಂಡಿಕ್ಕಿ ಹತ್ಯೆ

•   Sun, Sep 04 2022 02:18:37 PM



• ಬಿಹಾರ, ಸೆ 04 (DaijiworldNews/HR): ಬಿಹಾರದ ಕಾರ್ಘರ್‌ನ ನಿಮ್ದಿಹಾರ ರಸ್ತೆ ಬಳಿ ರಾಷ್ಟ್ರೀಯ ಜನತಾ ದಳ (ಆರ್‌ಜೆಡಿ) ನಾಯಕ ವಿಜೇಂದ್ರ ಯಾದವ್ ಅವರನ್ನು ಗುಂಡಿಕ್ಕಿ ಹತ್ಯೆ ಮಾಡಿರುವ ಘಟನೆ ನಡೆದಿದೆ.

  ಕೃಷಿ ಕೆಲಸಕ್ಕೆ ಹೋಗುತ್ತಿದ್ದಾಗ ಬೈಕ್‌ನಲ್ಲಿ ಬಂದ ಆರು ಮಂದಿ ಕಿಡಿಗೇಡಿಗಳು ವಿಜೇಂದ್ರ ಮೇಲೆ ಗುಂಡು ಹಾರಿಸಿದ್ದಾರೆ ಎಂದು ವರದಿಯಾಗಿದೆ.

  ಇನ್ನು ಹಳೆ ದ್ವೇಷದ ಹಿನ್ನೆಲೆಯಲ್ಲಿ ಕೊಲೆ ಮಾಡಿರುವ ಶಂಕೆ ವ್ಯಕ್ತವಾಗಿದ್ದು, ಘಟನೆಗೆ ಸಂಬಂಧಿಸಿದಂತೆ ಇನ್ನೂ ಯಾವುದೇ ಆರೋಪಿಗಳನ್ನು ಬಂಧಿಸಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.