ಸೇನಾ ಶಿಬಿರದ ಮೇಲೆ ದಾಳಿ ಪ್ರಕರಣ - ಇಂದು ಮತ್ತೊಬ್ಬ ಯೋಧ ಸಾವು, ಮೃತರ ಸಂಖ್ಯೆ 5ಕ್ಕೇರಿಕೆ

•   Mon, Aug 22 2022 07:05:15 PM



• ಜಮ್ಮು, ಆ 22 (DaijiworldNews/HR): ಆಗಸ್ಟ್ 11 ರಂದು ಜಮ್ಮು ಮತ್ತು ಕಾಶ್ಮೀರದ ಗಡಿ ಜಿಲ್ಲೆ ರಜೌರಿಯಲ್ಲಿರುವ ಸೇನಾ ಶಿಬಿರದ ಮೇಲೆ ನಡೆದ ಭಯೋತ್ಪಾದಕ ದಾಳಿಯಲ್ಲಿ ಗಾಯಗೊಂಡ ಮತ್ತೊಬ್ಬ ಯೋಧ ಇಂದು ಸಾವನ್ನಪ್ಪಿದ್ದು, ಸಾವಿನ ಸಂಖ್ಯೆ ಐದಕ್ಕೆ ಏರಿಕೆಯಾಗಿದೆ.

  ಮೃತ ಯೋಧನನ್ನ ರಾಜಸ್ಥಾನದ ಜುಂಜುನು ಜಿಲ್ಲೆಯ ಜೈತ್ಪುರ್ ಗ್ರಾಮದ ಹವಿಲ್ದಾರ್ ಸತ್ಪಾಲ್ ಸಿಂಗ್ ಎಂದು ಗುರುತಿಸಲಾಗಿದೆ.

  ಇನ್ನು ಸತ್ಪಾಲ್ ಸಿಂಗ್ ಕಳೆದ ಹತ್ತು ದಿನಗಳಿಂದ ಉಧಂಪುರದ ಸೇನಾ ಕಮಾಂಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಇಂದು ಕೊನೆಯುಸಿರೆಳೆದಿದ್ದಾರೆ.