ತುಮಕೂರು: ಲಾಡ್ಜ್​ನ 3ನೇ ಮಹಡಿಯಿಂದ ಹಾರಿ ಯುವಕ ಆತ್ಮಹತ್ಯೆ

•   Fri, Aug 19 2022 12:32:30 PM



• ತುಮಕೂರು, ಆ 19(DaijiworldNews/HR): ಲಾಡ್ಜ್​ವೊಂದರ ಮೂರನೇ ಮಹಡಿಯಿಂದ ಕೆಳಗೆ ಹಾರಿ ಯುವಕನೊಬ್ಬ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ತುಮಕೂರಿನಲ್ಲಿ ನಡೆದಿದೆ.

  ಮೃತ ಯುವಕನನ್ನು ಮಹಾರಾಷ್ಟ್ರ ಮೂಲದ ದೈವಿಕ್ (19) ಎಂದು ಗುರುತಿಸಲಾಗಿದೆ.

  ಮಹಾರಾಷ್ಟ್ರದಿಂದ‌ ಬೆಂಗಳೂರಿಗೆ ಹೋಗಲು ಬಂದಿದ್ದ ದೈವಿಕ್, ಗುರುವಾರ ಸಂಜೆ 6 ಗಂಟೆಯಲ್ಲಿ ತುಮಕೂರು ‌ನಗರದ ಬಟವಾಡಿ ಬಳಿಯಿರುವ ಎಸ್​ವಿಎಸ್ ಲಾಡ್ಜ್​ನಲ್ಲಿ ಒಬ್ಬನೆ ರೂಂ ಬಾಡಿಗೆ ಪಡೆದಿದ್ದು, ರಾತ್ರಿ ಲಾಡ್ಜ್​​ನ‌ ಮೂರನೇ ಮಹಡಿಯಿಂದ ಕೆಳಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

  ಈ ಬಗ್ಗೆ ತುಮಕೂರಿನ ಎನ್​ಇಪಿಎಸ್​ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.