500 ರೂ.ಗಾಗಿ ಗ್ರಾಮಸ್ಥನ ತಲೆ ಕಡಿದು 25 ಕಿ.ಮೀ ನಡೆದು ಠಾಣೆಗೆ ತೆರಳಿ ಶರಣಾದ ವ್ಯಕ್ತಿ

•   Wed, Aug 17 2022 11:59:55 AM



• ಗುವಾಹಟಿ, ಆ 17 (DaijioworldNews/HR): ಅಸ್ಸಾಂನ ಅಸ್ಸಾಂ ಸೋನಿತ್​ಪುರ ಜಿಲ್ಲೆಯ ರಂಗಪಾರದ ದೋಯಲೂರು ಪ್ರದೇಶಲ್ಲಿ ವ್ಯಕ್ತಿಯೊಬ್ಬ ಫುಟ್​ಬಾಲ್​ ಪಂದ್ಯದ ಮೇಲೆ ಕಟ್ಟಿದ್ದ 500 ರೂಪಾಯಿ ಬೆಟ್ಟಿಂಗ್​ ವಿಚಾರಕ್ಕೆ ನಡೆದ ಗಲಾಟೆ ವೇಳೆ ತನ್ನ ಸಹ ಗ್ರಾಮಸ್ಥನ ತಲೆ ತುಂಡರಿಸಿ, ಅದನ್ನು ಹಿಡಿದುಕೊಂಡು 25 ಕಿ.ಮೀ ದೂರ ಕಾಲ್ನಡಿಗೆಯಲ್ಲಿ ಪೊಲೀಸ್​ ಠಾಣೆಗೆ ತೆರಳಿ ಶರಣಾಗಿರುವ ಘಟನೆ ನಡೆದಿದೆ.

  ಸ್ವಾತಂತ್ರ್ಯ ಅಮೃತ ಮಹೋತ್ಸವ ಹಿನ್ನೆಲೆಯಲ್ಲಿ ದೋಯಲೂರು ಪ್ರದೇಶಲ್ಲಿ ಫುಟ್​ಬಾಲ್​ ಪಂದ್ಯ ಆಯೋಜಿಸಲಾಗಿದ್ದು, ಈ ಪಂದ್ಯದ ಮುಗಿದ ಬಳಿಕ ಇಬ್ಬರ ನಡುವೆ ಜಗಳ ಆರಂಭವಾಗಿ ಕೊಲೆಯಲ್ಲಿ ಅಂತ್ಯ ಕಂಡಿದೆ.

  ಇನ್ನು ಹೇಮ್​ ರಾಮ್​ ಎಂಬಾತ ಬೆಟ್ಟಿಂಗ್​ನಲ್ಲಿ ಗೆದ್ದು, ತುನಿರಾಮ್ ಮ್ಯಾಡ್ರಿ ಬಳಿ ಹಣ ಕೇಳಿದ್ದ. ಆದರೆ ತಾನು ಕೊಟ್ಟಿದ್ದ ಮಾತನ್ನು ಮ್ಯಾಡ್ರಿ ಉಳಿಸಿಕೊಳ್ಳಲಿಲ್ಲ. ಬದಲಾಗಿ ಊಟಕ್ಕೆ ಹೋಗೋಣ ಎಂದು ಕರೆದಿದ್ದ. ಆದರೆ ರಾಮ್​ ಮಾತ್ರ ಹಣಕ್ಕಾಗಿ ಮ್ಯಾಡ್ರಿ ಬಳಿ ಒತ್ತಾಯಿಸುತ್ತಲೇ ಇದ್ದ. ಇದರಿಂದ ಆಕ್ರೋಶಗೊಂಡು ಮ್ಯಾಡ್ರಿ ತನ್ನ ಬ್ಯಾಗ್​ನಲ್ಲಿದ್ದ ಹರಿತವಾದ ಆಯುಧವನ್ನು ತೆಗೆದುಕೊಂಡು ರಾಮ್​ ತಲೆಯಲ್ಲು ತುಂಡರಿಸಿದ್ದಾರೆ.

  ರಾಮ್​ ತಲೆಯನ್ನು ಮ್ಯಾಡ್ರಿ ಹಿಡಿದು ರಂಗಪರಾ ಪೊಲೀಸ್​ ಠಾಣೆಗೆ ತೆರಳಿ ಶರಣಾಗಿದ್ದಾನೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.