'ತಿರಂಗಾ ಡಿಪಿ ಬದಲಿಸದ ಅರೆಸೆಸ್ಸ್ ಭಾರತದಲ್ಲಿನ ತಾಲಿಬಾನ್ ಇದ್ದಂತೆ' -ಕಾಂಗ್ರೆಸ್

•   Mon, Aug 08 2022 01:18:50 PM



• ಬೆಂಗಳೂರು, ಆ 08 (DaijiworldNews/MS): ತಿರಂಗಾ ’ ಡಿಪಿ ’ ಬದಲಿಸುವ ಪ್ರಧಾನಿ ಕರೆಗೆ ಅರೆಸೆಸ್ಸ್ ಏಕೆ ಒಗ್ಗೊಟ್ಟಿಲ್ಲ, ಈ ಸಂಘಟನೆ ಭಾರತೀಯತೆಯನ್ನು ಒಪ್ಪಿಲ್ಲವೇ ಎಂದು ಕಾಂಗ್ರೆಸ್ ಕೇಳಿದೆ.

  ದೇಶದ 75ನೇ ಸ್ವಾತಂತ್ರ್ಯೋತ್ಸವ ಸಂಭ್ರಮದಲ್ಲಿದ್ದು ಇದರ ಅಂಗವಾಗಿ ಹರ್​ ಘರ್ ತಿರಂಗಾ ಅಭಿಯಾನ ಆರಂಭಗೊಂಡಿದೆ.ಇನ್ನು ಮನ್​ ಕಿ ಬಾತ್​ನಲ್ಲಿ ಮಾತನಾಡಿದ್ದ ಪ್ರಧಾನಿ ಮೋದಿ ಸಾಮಾಜಿಕ ಜಾಲತಾಣಗಳ ಡಿಪಿಯಲ್ಲಿ ತಿರಂಗಾ ಹಾಕುವಂತೆ ಹೇಳಿದ್ದರು. ಸ್ವತಃ ಮೋದಿ ಅವರೇ ತಮ್ಮ ಟ್ವಿಟರ್​, ಇನ್​ಸ್ಟಾಗ್ರಾಮ್​ ಖಾತೆಯ ಡಿಪಿ ಬದಲಾಯಿಸಿದ್ದರು. ಪ್ರಧಾನಿ ಕರೆಗೆ ದೇಶದ ಬಹಳಷ್ಟು ಜನತೆ ತಮ್ಮ ಸಾಮಾಜಿಕ ತಾಲತಾಣದ ಡಿಸ್ಪ್ಲೇ ಗಳಲ್ಲಿ ತಿರಂಗಾ ಬದಲಾಯಿಸಿದ್ದರು.

  ಇದೇ ವಿಚಾರವಾಗಿ ಟ್ವೀಟ್ ಮಾಡಿರುವ ಕರ್ನಾಟಕ ಕಾಂಗ್ರೆಸ್ ಘಟಕ , "ಅರೆಸೆಸ್ಸ್ ಎಂದಿಗೂ ಭಾರತೀಯತೆಯನ್ನು ಒಪ್ಪಿಲ್ಲ, ಮುಂದೆಯೂ ಒಪ್ಪುವುದಿಲ್ಲ. ಪ್ರತ್ಯೇಕ ಐಡೆಂಟಿಟಿಯಲ್ಲಿ ಇರಲು ಭಯಸುವ ಅರೆಸೆಸ್ಸ್ , ಭಾರತದಲ್ಲಿನ ತಾಲಿಬಾನ್ ಇದ್ದಂತೆ. ತಿರಂಗಾ ಡಿಪಿ ಬದಲಿಸುವ ಪ್ರಧಾನಿ ಕರೆ ಅರೆಸೆಸ್ಸ್ ಗೆ ಅನ್ವಯಿಸುವುದಿಲ್ಲವೇ? ತಿರಂಗಾ ಮೇಲಿನ ಅಸಹನೆ, ದ್ವೇಷ ಸುಪ್ತವಾಗಿ ಮುಂದುವರೆದಿದೆಯೇ ಎಂದು ಕೇಳಿದೆ.

  ಅರೆಸೆಸ್ಸ್ ಸಂಘಟನೆಯೂ ಪ್ರಧಾನಿ ತಿರಂಗಾ ಕರೆಯನ್ನು ಒಪ್ಪದಿರುವುದೇಕೆ ಎಂದು ಕಾಂಗ್ರೆಸ್ ಪಕ್ಷವೂ, ಬಿಜೆಪಿಯನ್ನು ಪ್ರಶ್ನಿಸಿದೆ.