ಬೆಂಗಳೂರು, ಜು 25 (DaijiworldNews/MS): ನಗರದಲ್ಲಿ ನೆಲೆಸಿದ್ದ ಶಂಕಿತ ಉಗ್ರನೊಬ್ಬನನ್ನು ಸಿಸಿಬಿ ಪೊಲೀಸರು ಭಾನುವಾರ ರಾತ್ರಿ ವಶಕ್ಕೆ ಪಡೆದಿದ್ದಾರೆ.
ತಿಲಕ್ ನಗರದಲ್ಲಿ ದ ಬಹು ಮಹಡಿ ಕಟ್ಟಡವೊಂದರ ಮೂರನೇ ಮಹಡಿ ಮನೆಯಲ್ಲಿ ನೆಲೆಸಿದ್ದ ಅಸ್ಸಾಂ ಮೂಲದ ಅಖ್ತರ ಹುಸೇನ್ ಲಫ್ಕರ ಬಂಧಿತ ಶಂಕಿತ ಉಗ್ರ.
ಮಾಹಿತಿ ಪಡೆದ ಸಿಸಿಬಿ ಪೊಲೀಸರು ತಡರಾತ್ರಿ ಈ ಮನೆ ಬಳಿ ಜಮಾಯಿಸಿ ಮನೆ ಮೇಲೆ ದಾಳಿ ಮಾಡಿ ಶಂಕಿತ ಉಗ್ರನನ್ನು ವಶಕ್ಕೆ ಪಡೆದಿದ್ದಾರೆ.
ಇತನೊಂದಿಗೆ ಆಹಾರ ಡೆಲಿವರಿ ಬಾಯ್ ಜೊತೆ ಈತ ವಾಸವಾಗಿದ್ದರು. ಉತ್ತರ ಭಾರತದಿಂದ ಪರಾರಿಯಾಗಿ ಬೆಂಗಳೂರಿನಲ್ಲಿ ಬಂದು ನೆಲೆಸಿದ್ದ. ಈತ ಟೆಲಿಗ್ರಾಂ ಹಾಗೂ ಫೇಸ್ಬುಕ್ ಮೂಲಕ ಅಲ್ಖೈದಾ ಸಂಘಟನೆ ಜೊತೆ ನಿರಂತರ ಸಂಪರ್ಕ ಹೊಂದಿದ್ದ ಎಂದು ತಿಳಿದುಬಂದಿದೆ.