'ದೇಶದಲ್ಲಿ 4 ಕೋಟಿ ಮಂದಿ ಕೋವಿಡ್- 19 ಲಸಿಕೆಯ ಯಾವುದೇ ಡೋಸ್ ಪಡೆದಿಲ್ಲ'-ಮಾಹಿತಿ

•   Sat, Jul 23 2022 01:21:01 PM



• ನವದೆಹಲಿ, ಜು 23 (DaijiworldNews/DB): ಭಾರತದಲ್ಲಿ ಅಂದಾಜು 4 ಕೋಟಿ ಮಂದಿ ಒಂದೇ ಒಂದು ಡೋಸ್ ಕೋವಿಡ್- 19 ಲಸಿಕೆ ಪಡೆದಿಲ್ಲ ಎಂದು ಆರೋಗ್ಯ ಖಾತೆ ರಾಜ್ಯ ಸಚಿವೆ ಭಾರತಿ ಪ್ರವೀಣ್ ಪವಾರ್ ತಿಳಿಸಿದ್ದಾರೆ.

  ಲೋಕಸಭೆಯಲ್ಲಿ ಈ ಕುರಿತು ಮಾಹಿತಿ ನೀಡಿದ ಅವರು, ಜುಲೈ 18ರವರೆಗಿನ ಅಂಕಿ ಅಂಶದ ಪ್ರಕಾರ 4 ಕೋಟಿ ಮಂದಿ ಅರ್ಹ ಫಲಾನುಭವಿಗಳು ಯಾವುದೇ ಲಸಿಕೆ ಪಡೆದುಕೊಂಡಿಲ್ಲ. ದೇಶಾದ್ಯಂತ ಕೋವಿಡ್ ಲಸಿಕಾ ಕೇಂದ್ರಗಳಲ್ಲಿ 1,78,38,52,566 ಕೋಟಿ ಡೋಸ್ ಲಸಿಕೆಯನ್ನು ಕೇಂದ್ರ ಸರ್ಕಾರ ಉಚಿತವಾಗಿ ನೀಡಿದ್ದು, ಜುಲೈ 18ರವರೆಗೆ ಶೇ.97.34 ಪ್ರಗತಿ ಸಾಧಿಸಲಾಗಿದೆ ಎಂದರು.

  ಆರೋಗ್ಯ ಕಾರ್ಯಕರ್ತರು, ಆಶಾ ಕಾರ್ಯಕರ್ತರು ಹಾಗೂ 60 ವರ್ಷ ಮೇಲ್ಪಟ್ಟವರಿಗೆ ಬೂಸ್ಟರ್ ಡೋಸ್‌ನ್ನು ಉಚಿತವಾಗಿ ನೀಡಲಾಗುತ್ತಿದೆ ಎಂದವರು ಮಾಹಿತಿ ನೀಡಿದರು.