ಮೃತಪಟ್ಟ ವ್ಯಕ್ತಿ ಹೆಸರಲ್ಲಿ ಲೈಸನ್ಸ್‌ -ಸ್ಮೃತಿ ಇರಾನಿ ಪುತ್ರಿಯ ರೆಸ್ಟೋರಂಟ್ ಗೆ ನೋಟಿಸ್

•   Sat, Jul 23 2022 12:54:21 PM



• ಪಣಜಿ, ಜು 23 (DaijiworldNews/MS): ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಅವರ ಪುತ್ರಿ ಜೊಯಿಶ್ ಅವರು ನಡೆಸುತ್ತಿರುವ ಗೋವಾದಲ್ಲಿರುವ ದುಬಾರಿ ರೆಸ್ಟೊರೆಂಟ್‌ ಅಕ್ರಮ ಬಾರ್ ಲೈಸೆನ್ಸ್ ಹೊಂದಿದೆ ಎಂಬ ಆರೋಪದ ಮೇಲೆ ಗೋವಾ ಅಬಕಾರಿ ಆಯುಕ್ತರು ಶೋಕಾಸ್ ನೋಟಿಸ್ ನೀಡಿದ್ದಾರೆ ಎಂದು ವರದಿಯಾಗಿದೆ.

  ಉತ್ತರ ಗೋವಾದ ಅಸ್ಸಾಗಾವೊದಲ್ಲಿನ ‘ಸಿಲ್ಲಿ ಸೋಲ್ಸ್ ಕೆಫೆ ಮತ್ತು ಬಾರ್’ ಎಂಬ ಐಶಾರಾಮಿ ರೆಸ್ಟೋರೆಂಟ್‌ನ್ನು ಜೋಯಿಶ್ ಇರಾನಿ ನಡೆಸುತ್ತಿದ್ದಾರೆ. ಆದರೆ ಈ ಇತ್ತೀಚೆಗೆ ಲಿಕ್ಕರ್ ಲೈಸನ್ಸ್ ನವೀಕರಣದಲ್ಲಿ ಅಕ್ರಮವಾಗಿದೆ ಎಂದು ಬಂದ ದೂರಿನ ಹಿನ್ನಲೆ ನೊಟೀಸ್ ನೀಡಲಾಗಿದೆ.

  ಈ ರೆಸ್ಟೋರಂಟ್ ಗೆ ಮೃತ ವ್ಯಕ್ತಿಯೊಬ್ಬರ ಹೆಸರಿನಲ್ಲಿ ಲಿಕ್ಕರ್ ಲೈಸನ್ಸ್ ನವೀಕರಿಸಲಾಗಿದ್ದು, ನಕಲಿ ಹಾಗೂ ತಿರುಚಿದ ದಾಖಲೆಗಳನ್ನು ಬಳಸಿ ಈ ಲೈಸನ್ಸ್ ಪಡೆಯಲಾಗಿದೆ ಎಂದು ಆರೋಪಿಸಿ ವಕೀಲ ಐರಿಸ್ ರೊಡ್ರಗಿಸ್ ಎಂಬುವವರು ದೂರು ನೀಡಿದ್ದರು.

  2022 ರ ಜೂನ್ 22 ರಂದು ಆಂಥೋನಿ ದ್ಗಾಮಾ ಅವರ ಹೆಸರಿನಲ್ಲಿ ಪರವಾನಗಿ ನವೀಕರಣಕ್ಕಾಗಿ ಅರ್ಜಿ ಸಲ್ಲಿಸಲಾಗಿದೆ. ಆದರೆ ಈ ವ್ಯಕ್ತಿ 2021ರ ಮೇ 17ರಂದು ಮೃತಪಟ್ಟಿದ್ದಾರೆ ಎಂದು ದೂರು ನೀಡಿದ್ದು ಹೀಗಾಗಿ ಗೋವಾದ ಅಬಕಾರಿ ಕಮಿಷನರ್‌ ನಾರಾಯಣ್ ಎಂ. ಗಡ್ ಅವರು ಇದರ ವಿವರ ನೀಡುವಂತೆ ಜೊಯಿಶ್ ಇರಾನಿ ನಡೆಸುತ್ತಿರುವ ಸಿಲ್ಲಿ ಸೋಲ್ಸ್ ಕೆಫೆ ಮತ್ತು ಬಾರ್‌ಗೆ ಷೋಕಾಸ್ ನೋಟಿಸ್ ಕೇಳಲಾಗಿದೆ.

  ಈ ಪ್ರಕರಣದ ವಿಚಾರಣೆಯನ್ನು ಜುಲೈ 29ಕ್ಕೆ ನಿಗದಿಪಡಿಸಲಾಗಿದೆ.