ನವದೆಹಲಿ, ಜು 22(DaijiworldNews/DB): ಮಕ್ಕಳನ್ನು ದತ್ತು ಪಡೆಯಲು ದೇಶದಲ್ಲಿ 28, 663 ಅರ್ಜಿದಾರರು ಕಾಯುತ್ತಿದ್ದಾರೆ ಎಂದು ಮಹಿಳಾ ಮತ್ತು ಮಕ್ಕಳ ಅಬಿವೃದ್ಧಿ ಇಲಾಖೆ ಸಚಿವೆ ಸ್ಮೃತಿ ಇರಾನಿ ಹೇಳಿದ್ದಾರೆ.
ಈ ಕುರಿತು ಲೋಕಸಭೆಯಲ್ಲಿ ಮಾಹಿತಿ ನೀಡಿದ ಅವರು, ಮಗು ದತ್ತು ಪಡೆಯುವವರ ಸಂಖ್ಯೆ ದೇಶದಲ್ಲಿ ಹೆಚ್ಚುತ್ತಿದೆ. 28, 663 ಮಂದಿ ಅರ್ಜಿ ಸಲ್ಲಿಸಿ ಮಗುವಿಗಾಗಿ ಕಾಯುತ್ತಿದ್ದಾರೆ. ಎನ್ ಆರ್ ಐ ಸೇರಿದಂತೆ 1,030 ವಿದೇಶಿ ಅರ್ಜಿದಾರರು ಕೂಡಾ ದತ್ತು ಪಡೆಯಲು ನೋಂದಣಿ ಮಾಡಿಕೊಂಡಿದ್ದಾರೆ ಎಂದರು.
2021-22 ರಲ್ಲಿ ದೇಶದ 2,991 ಮಂದಿ ಹಾಗೂ ವಿದೇಶಗಳ 414 ಮಂದಿ ಮಕ್ಕಳನ್ನು ದತ್ತು ಪಡೆದಿರುವುದು ದಾಖಲಾಗಿದೆ ಎಂದು ಸ್ಮೃತಿ ಇರಾನಿ ಮಾಹಿತಿ ನೀಡಿದರು.