ಭ್ರಷ್ಟಾಚಾರದ ವಿರುದ್ಧ ಯೋಗಿ ಕಠಿಣ ಕ್ರಮ - ಪಿಡಬ್ಲ್ಯೂಡಿ ಎಂಜಿನಿಯರ್ ಸೇರಿ 5 ಅಧಿಕಾರಿಗಳು ಅಮಾನತು

•   Wed, Jul 20 2022 11:55:54 AM



• ಲಕ್ನೋ, ಜು 20 (DaijiworldNews/HR): ಉತ್ತರಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಇದೀಗ ಭ್ರಷ್ಟಾಚಾರದ ವಿರುದ್ಧವೂ ಕಠಿಣ ಕ್ರಮ ತೆಗೆದುಕೊಳ್ಳಲು ಮುಂದಾಗಿದ್ದು, ಭ್ರಷ್ಟಾಚಾರ ಆರೋಪದಡಿ ಲೋಕೋಪಯೋಗಿ ಇಲಾಖೆ ಸೇರಿದಂತೆ ಐವರು ಅಧಿಕಾರಿಗಳನ್ನು ಅಮಾನತು ಮಾಡಿದ್ದಾರೆ.

  ಪಿಡಬ್ಲ್ಯುಡಿ ಮುಖ್ಯಸ್ಥ, ಮುಖ್ಯ ಇಂಜಿನಿಯರ್ ಮನೋಜ್ ಗುಪ್ತಾ ಸೇರಿ ಇತರ ನಾಲ್ವರು ಅಧಿಕಾರಿಗಳನ್ನು ಸೇವೆಯಿಂದ ಅಮಾನತುಗೊಳಿಸಲಾಗಿದೆ.

  ಇನ್ನು ಲೋಕೋಪಯೋಗಿ ಸಚಿವ ಜಿತಿನ್ ಪ್ರಸಾದ್ ಅವರ ಒಎಸ್ ಡಿ( ಆಫೀಸರ್ ಆನ್ ಸ್ಪೆಷಲ್ ಡ್ಯೂಟಿ) ಅನಿಲ್ ಕುಮಾರ್ ಪಾಂಡೆ ವಿರುದ್ಧ ಜುಲೈ 18ರಂದು ಕ್ರಮ ತೆಗೆದುಕೊಂಡ ನಂತರ ಈ ಬೆಳವಣಿಗೆ ನಡೆದಿದೆ.