ಬಿಹಾರ, ಜು 15 (DaijiworldNews/DB): ಪ್ರೀತಿಸಿದಾಕೆಗೆ ಕೈಕೊಟ್ಟು ಬೇರೊಬ್ಬಳನ್ನು ವರಿಸಲು ಮುಂದಾಗಿದ್ದ ವ್ಯಕ್ತಿಗೆ ಟಾರ್ಚ್ ಬೆಳಕಿನಲ್ಲಿ ನೈಟ್ ಡ್ರೆಸ್ನಲ್ಲೇ ಪ್ರೀತಿಸಿದ ಯುವತಿಯೊಂದಿಗೆ ಪೊಲೀಸರು ಮದುವೆ ಮಾಡಿಸಿದ ಘಟನೆ ಬಿಹಾರದಲ್ಲಿ ನಡೆದಿದೆ.
ಬಿಹಾರದ ಜಮಾಯು ಜಿಲ್ಲೆಯ ನಿರಂಜನ್ ಎಂಬಾತ ಗುಜರಾತ್ನ ಸೂರತ್ನಲ್ಲಿ ಕೆಲಸದಲ್ಲಿದ್ದ ವೇಳೆ ಯುವತಿಯೊಬ್ಬಳನ್ನು ಪ್ರೀತಿಸುತ್ತಿದ್ದ. ಆದರೆ ಇತ್ತೀಚೆಗೆ ತನ್ನ ಗ್ರಾಮಕ್ಕೆ ಬಂದಿದ್ದ ಆತನಿಗೆ ಪೋಷಕರು ಬೇರೆ ಹುಡುಗಿಯೊಂದಿಗೆ ವಿವಾಹ ಗೊತ್ತುಪಡಿಸಿದ್ದರು. ಇದು ನಿರಂಜನ್ ಪ್ರೀತಿಸುತ್ತಿದ್ದ ಯುವತಿಗೆ ಗೊತ್ತಾಗಿ ಆಕೆ ತನ್ನ ಪೋಷಕರೊಂದಿಗೆ ನಿರಂಜನ್ ಇರುವ ಗ್ರಾಮಕ್ಕೆ ಬಂದು ಗದ್ದಲ ಎಬ್ಬಿಸಿದ್ದಾಳೆ. ಅಲ್ಲದೆ ಗ್ರಾಮದ ಮುಖಂಡರಿಗೂ ಪ್ರೀತಿ ವಿಷಯ ತಿಳಿಸಿದ್ದು, ಈ ವಿಚಾರ ಪೊಲೀಸ್ ಠಾಣೆ ಮೆಟ್ಟಿಲೇರಿದೆ. ಕೊನೆಗೆ ಇವರಿಬ್ಬರ ಪ್ರೀತಿ ಬಗ್ಗೆ ತಿಳಿದುಕೊಂಡ ಪೊಲೀಸರು ನೈಟ್ ಡ್ರೆಸ್ನಲ್ಲಿದ್ದ ನಿರಂಜನ್ಗೆ ಪ್ರೀತಿಸಿದ ಹುಡುಗಿಯೊಂದಿಗೆ ಟಾರ್ಚ್ ಬೆಳಕಿನಲ್ಲೇ ಮದುವೆ ಮಾಡಿಸಿದ್ದಾರೆ.
ಇದೀಗ ತನಗೆ ಬಲವಂತವಾಗಿ ಮದುವೆ ಮಾಡಿಸಲಾಗಿದೆ ಎಂದು ನಿರಂಜನ್ ಆರೋಪಿಸಿದ್ದಾನೆ ಎನ್ನಲಾಗಿದೆ.