ಲುಲೂ ಮಾಲ್‌‌​ನಲ್ಲಿ ನಮಾಜ್ - ಸುಂದರಕಾಂಡ ಪಠಿಸುವ ಎಚ್ಚರಿಕೆ ನೀಡಿದ ಹಿಂದೂ ಮಹಾಸಭಾ

•   Fri, Jul 15 2022 09:42:44 AM



• ಉತ್ತರ ಪ್ರದೇಶ, ಜು 15 (DaijiowrldNews/HR): ಲಕ್ನೋದಲ್ಲಿ ಇತ್ತೀಚೆಗೆ ಉದ್ಘಾಟನೆಗೊಂಡ ಲುಲೂ ಮಾಲ್​ನಲ್ಲಿ ಜನರ ಗುಂಪೊಂದು ತೆರೆದ ಜಾಗದಲ್ಲಿ ನಮಾಜ್​ ಮಾಡುತ್ತಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

  ತೆರೆದ ಜಾಗದಲ್ಲಿ ನಮಾಜ್​ ಮಾಡುತ್ತಿರುವ ಕುರಿತು ಅಖಿಲ ಭಾರತೀಯ ಹಿಂದೂ ಮಹಾಸಭಾ ಎಚ್ಚರಿಕೆ ನೀಡಿದ್ದು, ಮಾಲ್​ನಲ್ಲಿ ಮತ್ತೊಮ್ಮೆ ನಮಾಜ್​ ಮಾಡಿದರೆ ನಾವು ಸುಂದರಕಾಂಡ ಪಠಿಸುವ ಮೂಲಕ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಸಿದೆ.

  ಇನ್ನು ಯೋಗಿ ಆದಿತ್ಯನಾಥ್​ ಸರ್ಕಾರವು ಸಾರ್ವಜನಿಕ ಸ್ಥಳಗಳಲ್ಲಿ ನಮಾಜ್​ ಅಥವಾ ಇತರ ಧಾರ್ಮಿಕ ಚಟುವಟಿಕೆಗಳನ್ನು ನಿಷೇಧಿಸಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದ್ದು, ಇದರ ಹೊರತಾಗಿಯೂ ಕೆಲವರು ಲುಲೂ ಮಾಲ್​ನಲ್ಲಿ ನಮಾಜ್​ ಮಾಡಿರುವುದಕ್ಕೆ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಸಂಟನೆ ಒತ್ತಾಯಿಸಿದೆ.