'ರಾಷ್ಟ್ರ ಲಾಂಛನದ ಸಿಂಹಕ್ಕೆ ಹಲ್ಲುಗಳಿವೆ, ಎಚ್ಚೆತ್ತುಕೊಂಡರೆ ಉತ್ತಮ'-ಅನುಪಮ್ ಖೇರ್

•   Thu, Jul 14 2022 06:21:35 PM



• ನವದೆಹಲಿ, ಜು 14 (DaijiworldNews/DB): ರಾಷ್ಟ್ರ ಲಾಂಛನದ ಸಿಂಹಕ್ಕೆ ಹಲ್ಲುಗಳಿದ್ದು, ಅಗತ್ಯ ಬಿದ್ದಲ್ಲಿ ಕಚ್ಚುವುದಕ್ಕೂ ಸಿದ್ದ. ಹೀಗಾಗಿ ವಿರೋಧ ಮಾಡುವವರು ಎಚ್ಚೆತ್ತುಕೊಂಡರೆ ಉತ್ತಮ ಎಂದು ಬಾಲಿವುಡ್​ ಹಿರಿಯ ನಟ ಅನುಪಮ್​ ಖೇರ್ ಹೇಳಿದ್ದಾರೆ.

  ಸಂಸತ್​ ಭವನದ ಮೇಲೆ ನೂತನವಾಗಿ ನಿರ್ಮಾಣಗೊಂಡಿರುವ ರಾಷ್ಟ್ರ ಲಾಂಛನದ ಕುರಿತ ಪ್ರತಿಪಕ್ಷಗಳ ಟೀಕೆಗಳಿಗೆ​ ತಿರುಗೇಟು ನೀಡಿರುವ ಅವರು, ಇದು ಸ್ವತಂತ್ರ ಭಾರತದ ಸಿಂಹ. ಅದಕ್ಕೆ ಹಲ್ಲುಗಳಿದ್ದು, ಅವುಗಳನ್ನೂ ತೋರಿಸಲಾಗಿದೆ. ಅಗತ್ಯ ಬಿದ್ದಲ್ಲಿ ಕಚ್ಚುವುದಕ್ಕೂ ಈ ಸಿಂಹಗಳು ಸಿದ್ದ ಎಂದಿದ್ದಾರೆ.

  ಸೋಮವಾರವಷ್ಟೇ ಈ ನೂತನ ಲಾಂಛನವನ್ನು ಪ್ರಧಾನಿ ನರೇಂದ್ರ ಮೋದಿ ಅನಾವರಣಗೊಳಿಸಿದ್ದರು. ಈ ಸಿಂಹವು ಕೋಪದಿಂದಿರುವಂತೆ ಭಾಸವಾಗುತ್ತಿದ್ದು, ರಾಷ್ಟ್ರ ಲಾಂಛನವನ್ನು ಕೇಂದ್ರ ಸರ್ಕಾರ ವಿರೂಪಗೊಳಿಸಿದೆ ಎಂದು ವಿಪಕ್ಷಗಳು ಟೀಕಿಸಿದ್ದವು.