ಮಗಳ ಹತ್ಯೆಗೆ ಸುಫಾರಿಕೊಟ್ಟ ಬಿಹಾರದ ಮಾಜಿ ಶಾಸಕ ಅಂದರ್

•   Tue, Jul 05 2022 12:55:47 PM



• ಬಿಹಾರ, ಜು 05 (DaijiworldNews/HR): ಬೇರೆ ಜಾತಿಯ ವ್ಯಕ್ತಿಯನ್ನು ತನ್ನ ಮಗಳು ಮದುವೆಯಾಗಿದ್ದಕ್ಕೆ ಕೋಪಗೊಂಡು ಆಕೆಯನ್ನು ಕೊಲ್ಲಲು ಸುಫಾರಿ ಕೊಟ್ಟ ತಂದೆಯನ್ನು ಪೊಲೀಸರು ಬಂಧಿಸಿರುವ ಘಟನೆ ಬಿಹಾರದಲ್ಲಿ ನಡೆದಿದೆ.

  ಬಂಧಿತ ಆರೋಪಿಯನ್ನು ಬಿಹಾರದ ಮಾಜಿ ಶಾಸಕ ಸುರೇಂದ್ರ ಶರ್ಮಾ ಎಂದು ಗುರುತಿಸಲಾಗಿದೆ.

  ಮಗಳು ಅನ್ಯ ಜಾತಿಯ ವ್ಯಕ್ತಿಯನ್ನು ಮದುವೆಯಾಗಿದ್ದಕ್ಕೆ ಶರ್ಮಾ ಕೋಪಗೊಂಡು ಗುತ್ತಿಗೆ ಹಂತಕರನ್ನು ನೇಮಿಸಿ, ಅವರಿಗೆ 20 ಲಕ್ಷ ರೂ.ಗಳನ್ನು ಪಾವತಿಸಿದ್ದಾನೆ ಎನ್ನಲಾಗಿದೆ.

  ಇನ್ನು ಜುಲೈ 1 ಮತ್ತು 2 ರ ಮಧ್ಯರಾತ್ರಿ ಮೋಟಾರು ಬೈಕ್‌ನಲ್ಲಿ ಬಂದ ಅಪರಿಚಿತ ವ್ಯಕ್ತಿಗಳಿಂದ ಕೊಲೆ ಯತ್ನ ನಡೆದಿದ್ದು, ಈ ಬಗ್ಗೆ ಆಕೆ ಪೊಲೀಸ್ ಠಾಣೆಗೆ ದೂರು ದಾಖಲಿಸಿದ್ದಾರೆ.