ಪಾರ್ಟಿಯಲ್ಲಿ ಡ್ರಗ್ ಸೇವನೆ ಆರೋಪ-ಬಾಲಿವುಡ್ ನಟಿ ಶ್ರದ್ದಾ ಕಪೂರ್ ಸಹೋದರ ಪೊಲೀಸ್ ವಶಕ್ಕೆ

•   Mon, Jun 13 2022 10:34:21 AM



• ಬೆಂಗಳೂರು, ಜೂ 13 (DaijiworldNews/DB): ಡ್ರಗ್ಸ್‌ ಸೇವಿಸಿದ ಆರೋಪದಲ್ಲಿ ಬಾಲಿವುಡ್ ನಟಿ ಶ್ರದ್ದಾ ಕಪೂರ್‍ ಅವರ ಸಹೋದರ ನಟ ಸಿದ್ದಾಂತ್ ಕಪೂರ್‌ ಸೇರಿದಂತೆ ಸುಮಾರು 50ಕ್ಕೂ ಹೆಚ್ಚು ಮಂದಿಯನ್ನು ಭಾನುವಾರ ತಡರಾತ್ರಿ ಪೊಲೀಸರು ಬಂಧಿಸಿದ್ದಾರೆ.

  ಬೆಂಗಳೂರಿನ ಹಲಸೂರು ಬಳಿಯ ದಿ ಪಾರ್ಟಿ ಫೈವ್ ಸ್ಟಾರ್ ಹೋಟೆಲ್‌ನಲ್ಲಿ ಡ್ರಗ್ಸ್ ಪಾರ್ಟಿ ಆಯೋಜನೆ ಮಾಡಿರುವ ಕುರಿತು ಮಾಹಿತಿ ಬಂದ ಹಿನ್ನೆಲೆಯಲ್ಲಿ ತಡರಾತ್ರಿ 12 ಗಂಟೆ ಸುಮಾರಿಗೆ ಹಲಸೂರು ಇನ್ಸ್‌ಪೆಕ್ಟರ್ ಮಂಜುನಾಥ್ ನೇತೃತ್ವದಲ್ಲಿ 25ಕ್ಕೂ ಹೆಚ್ಚು ಪೊಲೀಸರು ದಾಳಿ ನಡೆಸಿದ್ದರು. ಪಾರ್ಟಿಯಲ್ಲಿ ಬಾಲಿವುಡ್ ನಟ ಶಕ್ತಿ ಕಪೂರ್‌ ಅವರ ಪುತ್ರ, ಶ್ರದ್ದಾ ಕಪೂರ್‍ ಸಹೋದರ ಸಿದ್ದಾಂತ್‌ ಕಪೂರ್‍ ಕೂಡಾ ಭಾಗಿಯಾಗಿದ್ದರು. ದೊಡ್ಡ ಪ್ರಮಾಣದಲ್ಲೇ ಈ ಪಾರ್ಟಿಯನ್ನು ಆಯೋಜನೆ ಮಾಡಲಾಗಿತ್ತು ಎಂದು ತಿಳಿದು ಬಂದಿದೆ. ಸದ್ಯ ಪಾರ್ಟಿಯಲ್ಲಿ ಭಾಗವಹಿಸಿದ್ದ 50ಕ್ಕೂ ಹೆಚ್ಚು ಮಂದಿ ಪೊಲೀಸ್ ವಶದಲ್ಲಿದ್ದಾರೆ.

  ಪೊಲೀಸ್ ವಶದಲ್ಲಿರುವವರನ್ನು ಮೆಡಿಕಲ್ ಟೆಸ್ಟ್‌ಗಾಗಿ 3 ಟಿಟಿ ವಾಹನಗಳಲ್ಲಿ ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು. ಪಾಸಿಟಿವಿಟಿ ಬಂದ ಆರು ಮಂದಿಯಲ್ಲಿ ಸಿದ್ದಾಂತ್ ಕಪೂರ್‌ ಅವರ ಮಾದರಿಯೂ ಸೇರಿದೆ ಎನ್ನಲಾಗಿದೆ.