'ಜೆಡಿಎಸ್‌‌ನಲ್ಲಿ ಎಂಎಲ್ಸಿ ಆಗಬೇಕಂದ್ರೆ ಒಬ್ಬೊಬ್ಬ ಎಂಎಲ್‌ಎಗಳಿಗೆ 50 ಲಕ್ಷ ಕೊಡಬೇಕು' - ಶ್ರೀನಿವಾಸ ಗೌಡ ಹೊಸ ಬಾಂಬ್

•   Sat, Jun 11 2022 03:10:06 PM



• ಕೋಲಾರ, ಜೂ 11 (DaijiworldNews/HR): ಜೆಡಿಎಸ್‌ ಪಕ್ಷದಲ್ಲಿ ಎಂಎಲ್‌ಸಿ ಆಗಬೇಕು ಅಂದ್ರೇ, ಒಬ್ಬೊಬ್ಬ ಶಾಸಕರಿಗೂ ತಲಾ 50 ಲಕ್ಷ ನೀಡಬೇಕು ಎಂಬುದಾಗಿ ಕೋಲಾರ ಶಾಸಕ ಕೆ.ಶ್ರೀನಿವಾಸ್ ಗೌಡ ಹೊಸ ಬಾಂಬ್ ಸಿಡಿಸಿದ್ದಾರೆ.

  ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ವಿಧಾನ ಪರಿಷತ್ ಚುನಾವಣೆಯಲ್ಲಿ ಜೆಡಿಎಸ್ ಪಕ್ಷದಿಂದ ಹಣದ ಹೊಳೆಯನ್ನು ಹರಿಸಲಾಗಿದ್ದು, ಜೆಡಿಎಸ್ ನ ಪ್ರತಿಯೊಬ್ಬ ಶಾಸಕರಿಗೆ ತಲಾ 50 ಲಕ್ಷವನ್ನು ನೀಡಲಾಗಿದೆ ಎಂದರು.

  ಇನ್ನು ಪರಿಷತ್ ಚುನಾವಣೆ ಸಂದರ್ಭದಲ್ಲಿ ನನಗೂ 50 ಲಕ್ಷ ಹಣ ನೀಡೋದಕ್ಕೆ ಬಂದಿದ್ದರು. ಆದ್ರೇ.. ನಾನು ತಗೊಂಡಿಲ್ಲ. ಪ್ರತಿಯೊಬ್ಬರಿಗೂ 50 ಲಕ್ಷ ಹಂಚಿದ್ದಂತೂ ನಿಜ ಎಂಬುದಾಗಿ ಹೊಸ ಬಾಂಬ್ ಸಿಡಿಸಿದ್ದಾರೆ.

  ಜೆಡಿಎಸ್ ನ ಗೋವಿಂದರಾಜು ಎಂ ಎಲ್ ಸಿ ಆಗುವಾಗ ಒಬ್ಬಬ್ಬರಿಗೆ 50 ಲಕ್ಷ ಹಣ ನೀಡಿದ್ದಾರೆ. ನನಗೂ ಕೊಡೋದಕ್ಕೆ ಬಂದಿದ್ದರು ತಗೊಂಡಿಲ್ಲ. ಆದ್ರೇ.. ಒಬ್ಬೊಬ್ಬ ಎಂಎಲ್‌ಎಗಳಿಗೆ 50 ಲಕ್ಷ ರೂಪಾಯಿ ನೀಡಿದ್ದಾರೆ. ಆದ್ರೇ ನನ್ನ ಒಬ್ಬನನ್ನು ಬಿಟ್ಟು ಎಲ್ಲರಿಗೂ ಕೊಟ್ಟಿದ್ದಾರೆ ಎಂದರು.