ನೋಟಿಸ್​​ ನೀಡಲು ಬಂದ ಮಹಿಳಾ ಪಿಎಸ್​​ಐಗೆ ಖಾರದ ಪುಡಿ ಎರಚಿ ಹಲ್ಲೆಗೆ ಯತ್ನ - ದೂರು ದಾಖಲು

•   Fri, Jun 10 2022 05:25:37 PM



• ಬೀದರ್, ಜೂ 10 (DaijiworldNews/HR): ರೌಡಿ ಶೀಟರ್​​ಗೆ ನೋಟಿಸ್ ನೀಡಲು ಹೋದ ಮಹಿಳಾ ಪಿಎಸ್​​ಐ ಮೇಲೆ ಹಲ್ಲೆ ನಡೆಸಿರುವ ಘಟನೆ ಬೀದರ್ ಜಿಲ್ಲೆಯ ಕಮಲನಗರ ತಾಲೂಕಿನ ತೋರಣ ಗ್ರಾಮದಲ್ಲಿ ನಡೆದಿದೆ.

  ರೌಡಿಶೀಟರ್​ಗೆ ನೊಟೀಸ್​ ನೀಡಲು ತೆರಳಿದ್ದ ವೇಳೆ ಕಮಲನಗರದ ಪಿಎಸ್​​ಐ ನಂದಿನಿ ಸೇರಿದಂತೆ ಮೂವರು ಪೊಲೀಸರ ಮೇಲೆ ಹಲ್ಲೆಗೆ ಯತ್ನಿಸಿದ್ದಾರೆ.

  ಇನ್ನು ರೌಡಿಶೀಟರ್​ ಜತೆಗೆ ಆತನ ಸಹಚರರು ಸೇರಿ ಒಟ್ಟು ಆರು ಮಂದಿ ಈ ಕೃತ್ಯದಲ್ಲಿ ಭಾಗಿಯಾಗಿದ್ದು, ದೊಣ್ಣೆ ಮಾತ್ರವಲ್ಲದೇ ಖಾರದಪುಡಿಯನ್ನೂ ಎರಚಿ ಪೊಲೀಸರಿಗೆ ಥಳಿಸಲು ಯತ್ನಿಸಿರುವ ಘಟನೆ ನಡೆದಿದೆ.

  ಈ ಬಗ್ಗೆ ಕಮಲನಗರ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಾಗಿದೆ.