ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡಿ ಅವಾಜ್ - ಶಾಸಕನ ಪುತ್ರಿಗೆ ಪೊಲೀಸರಿಂದ 10 ಸಾವಿರ ದಂಡ

•   Thu, Jun 09 2022 08:26:49 PM



• ಬೆಂಗಳೂರು, ಜೂ 09 (DaijiworldNews/HR): ಬಿಜೆಪಿ ಶಾಸಕ ಅರವಿಂದ ಲಿಂಬಾವಳಿ ಅವರ ಪುತ್ರಿ ಕಾರು ಚಲಾಯಿಸೋ ವೇಳೆಯಲ್ಲಿ ಸೀಟ್ ಬೆಲ್ಟ್ ಧರಿಸಿಲ್ಲ. ಜೊತೆಗೆ ಸಿಗ್ನಲ್ ಜಂಪ್ ಮಾಡಿದ್ದರ ಕಾರಣ ಸಂಚಾರಿ ಪೊಲೀಸರು ತಡೆದು, ದಂಡ ಕಟ್ಟುವಂತೆ ಸೂಚಿಸಿದ್ದು, ಈ ವೇಳೆ ಆಕೆ ರಂಪಾಟ ಮಾಡಿರುವುದಾಗಿ ವರದಿಯಾಗಿದೆ.

  ಇದು ಎಂ.ಎಲ್‌ಎ ಕಾರು, ಲಿಂಬಾವಳಿ ಕಾರು ಗೊತ್ತಾ.? ನಾನು ಶಾಸಕ ಅರವಿಂದ ಲಿಂಬಾವಳಿ ಪುತ್ರಿ ಎಂಬುದಾಗಿ ಏರುಧ್ವನಿಯಲ್ಲಿಯೇ ಕೂಗಾಡಿ, ರಂಪಾಟ ಮಾಡಿದ್ದಾರೆ ಎನ್ನಲಾಗಿದೆ.

  ಇನ್ನು ಆಕೆ ಸಿಗ್ನಲ್ ಜಂಪ್ ಮಾಡಿದ್ದು, ಅಲ್ಲದೇ ಕಾರಿನಲ್ಲಿ ಪ್ರಯಾಣಿಸುವಾಗ ಮುಂಬದಿಯ ವಾಹನ ಸವಾರರಿಗೆ ಸೀಟ್ ಬೆಲ್ಡ್ ಕಡ್ಡಾಯವಿದ್ದರೂ, ನಿಯಮ ಉಲ್ಲಂಸಿರುವುದಕ್ಕೆ ಸಂಚಾರ ಪೊಲೀಸರು ತಡೆದಾಗ ತಾನು ಶಾಸಕರ ಪುತ್ರಿ ಎಂಬುದಾಗಿ ದರ್ಪ ತೋರಿದ್ದಾರೆ. ಆದರೆ ಕೊನೆಗೂ ಆಕೆಯ ದರ್ಪಕ್ಕೆ ಮಣಿಯದ ಪೊಲೀಸರು ಬರೋಬ್ಬರಿ 10 ಸಾವಿರ ದಂಡ ವಿಧಿಸಿದ್ದಾರೆ.