ನ್ಯಾಷನಲ್ ಹೆರಾಲ್ಡ್ ಪ್ರಕರಣ - ಜೂ.13ರಂದು ಹಾಜರಾಗುವಂತೆ ರಾಹುಲ್‌ಗೆ ಸಮನ್ಸ್ ಜಾರಿ

•   Fri, Jun 03 2022 11:49:46 AM



• ನವದೆಹಲಿ, ಜೂ 03 (DaijiworldNews/HR): ನ್ಯಾಷನಲ್ ಹೆರಾಲ್ಡ್ ಪತ್ರಿಕೆಗೆ ಸಂಬಂಧಿಸಿದ ಮನಿ ಲಾಂಡರಿಂಗ್ ಪ್ರಕರಣದ ವಿಚಾರಣೆಗಾಗಿ ಜಾರಿ ನಿರ್ದೇಶನಾಲಯದ ಮುಂದೆ ಜೂನ್.13ರಂದು ಹಾಜರಾಗುವಂತೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರಿಗೆ ಸಮನ್ಸ್ ಜಾರಿಗೊಳಿಸಲಾಗಿದೆ.

  ಈ ಹಿಂದೆ ಜೂನ್ 2 ರಂದು ತನಿಖೆಗೆ ಹಾಜರಾಗುವಂತೆ ಇಡಿ ಸಮನ್ಸ್ ಜಾರಿಗೊಳಿಸಿತ್ತು. ಆದರೆ ರಾಹುಲ್ ಗಾಂಧಿ, ಜೂನ್ 5 ರ ನಂತರ ಸಮಯಾವಕಾಶ ಕೋರಿ ಇ.ಡಿ.ಗೆ ಪತ್ರ ಬರೆದಿದ್ದರು.

  ಇನ್ನು ಇ.ಡಿ.ಗೆ ಪತ್ರ ಬರೆದಿರುವ ಹಿನ್ನಲೆಯಲ್ಲಿ ಜೂನ್ 13ರಂದು ನ್ಯಾಷನಲ್ ಹೆರಾಲ್ಡ್ ಪ್ರಕರಣದಲ್ಲಿ ಇಡಿ ಮುಂದೆ ವಿಚಾರಣೆಗೆ ಹಾಜರಾಗುವಂತೆ ಹೊಸ ದಿನಾಂಕ ನೀಡಿ, ಸಮನ್ಸ್ ಜಾರಿಗೊಳಿಸಿದೆ.