ಶೋಪಿಯಾನ್‌ನಲ್ಲಿ ಖಾಸಗಿ ವಾಹನ ಸ್ಫೋಟ - ಮೂವರು ಯೋಧರಿಗೆ ಗಂಭೀರ ಗಾಯ

•   Thu, Jun 02 2022 10:31:49 AM



• ಜಮ್ಮು ಕಾಶ್ಮೀರ, ಜೂ 02 (DaijiworldNews/HR): ಖಾಸಗಿ ಬಾಡಿಗೆ ವಾಹನವೊಂದರೊಳಗೆ ಸ್ಫೋಟ ಸಂಭವಿಸಿ ಮೂವರು ಯೋಧರು ಗಾಯಗೊಂಡಿದ್ದು, ಯೋಧರನ್ನು ಆಸ್ಪತ್ರೆಗೆ ದಾಖಲಿಸಿರುವ ಘಟನೆ ಜಮ್ಮು ಮತ್ತು ಕಾಶ್ಮೀರದ ಶೋಪಿಯಾನ್​ ಜಿಲ್ಲೆಯ ಸೆಡೋವ್‌ನಲ್ಲಿ ನಡೆದಿದೆ.

  ಗುರುವಾರ ಬೆಳಗ್ಗೆ ಟಾಟಾ ವಾಹನದಲ್ಲಿ ನಿಗೂಢ ಸ್ಫೋಟ ಸಂಭವಿಸಿದ್ದು, ವಾಹನದ ಬ್ಯಾಟರಿಯಲ್ಲಿನ ಅಸಮರ್ಪಕ ಕಾರ್ಯದಿಂದಾಗಿ ಸ್ಫೋಟ ಸಂಭವಿಸಿದೆ ಎಂದು ಸೇನೆ ತಿಳಿಸಿದೆ.

  ಇನ್ನು 15 ಸೇನಾ ಸಿಬ್ಬಂದಿ ಪ್ರಯಾಣಿಸುತ್ತಿದ್ದ ಖಾಸಗಿ ಟಾಟಾ ವಾಹನ ಶೋಪಿಯಾನ್​ ತಲುಪಿದಾಗ ಸ್ಫೋಟ ಸಂಭವಿಸಿದ್ದು, ಮೂವರು ಸೇನಾ ಸಿಬ್ಬಂದಿಗೆ ಗಾಯವಾಗಿದೆ.