ಇಬ್ಬರು ಹೈಬ್ರೀಡ್ ಉಗ್ರರ ಬಂಧನ - ಪಿಸ್ತೂಲ್‌, ಮದ್ದುಗುಂಡು, ಹಲವು ಶಸ್ತ್ರಾಸ್ತ್ರಗಳು ವಶ

•   Mon, May 23 2022 11:13:36 AM



• ಶ್ರೀನಗರ, ಮೇ 23 (DaijiworldNews/HR): ಟಿಆರ್‌ಎಫ್/ಎಲ್‌ಇಟಿ ಉಗ್ರಗಾಮಿ ಸಂಘಟನೆಗಳ ಬೆಂಬಲಿತ ಇಬ್ಬರು ಹೈಬ್ರೀಡ್ ಉಗ್ರರನ್ನು ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ಹಾಗೂ ಭದ್ರತಾ ಪಡೆಗಳ ಜಂಟಿ ಕಾರ್ಯಾಚರಣೆ ಮಾಡಿ ಬಂಧಿಸಿರುವ ಘಟನೆ ಶ್ರೀನಗರದಲ್ಲಿ ನಡೆದಿದೆ.

  ಸಾಂದರ್ಭಿಕ ಚಿತ್ರ

  ಖಚಿತ ಮಾಹಿತಿ ಆಧರಿಸಿ ಚೆಕ್ ಪೋಸ್ಟ್ ನಿರ್ಮಿಸಲಾಗಿದ್ದು, ಚೆಕ್ ಪೋಸ್ಟ್‌ ಬಳಿಗೆ ಬಂದ ಇಬ್ಬರು ವ್ಯಕ್ತಿಗಳು ಅನುಮಾನಾಸ್ಪದ ರೀತಿಯಲ್ಲಿ ವರ್ತಿಸಿದ್ದರು. ಅಧಿಕಾರಿಗಳ ಕಣ್ತಪ್ಪಿಸಿ ಪರಾರಿಯಾಗಲು ಯತ್ನಿಸಿದಾಗ ಅವರನ್ನು ಬೆನ್ನಟ್ಟಿ ಬಂಧಿಸಿದ್ದಾರೆ.

  ಇನ್ನು ಶೋಧ ಕಾರ್ಯಾಚರಣೆ ವೇಳೆ ಬಂಧಿತ ಉಗ್ರರಿಂದ 15 ಪಿಸ್ತೂಲ್‌ಗಳು, 30 ಮ್ಯಾಗಜೀನ್‌ಗಳು, 300 ಸುತ್ತಿನ ಗುಂಡುಗಳು, ಒಂದು ಸೈಲೆನ್ಸರ್ ಸೇರಿದಂತೆ ಹಲವುಶಸ್ತ್ರಾಸ್ತ್ರಗಳು ಮತ್ತು ಮದ್ದುಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ತಿಳಿದು ಬಂದಿದೆ.