ಗುಜರಾತ್‌: ಪೊಲೀಸ್ ಠಾಣೆಯಲ್ಲಿಯೇ ಆತ್ಮಹತ್ಯೆಗೆ ಶರಣಾದ ಯುವತಿ

•   Sun, May 22 2022 07:21:53 PM



• ರಾಜ್‌ಕೋಟ್, ಮೇ 22 (DaijiworldNews/HR): ವಿವಾಹಿತ ಯುವತಿಯಿಬ್ಬಳು ಪೊಲೀಸ್ ಠಾಣೆಯೊಂದರಲ್ಲಿ ಆತ್ಮಹತ್ಯೆಗೆ ಶರಣಾದ ಘಟನೆ ಭಾನುವಾರ ನಡೆದಿದೆ.

  ಆತ್ಮಹತ್ಯೆಗೆ ಶರಣಾದ ಯುವತಿಯನ್ನು ನಯನಾ(20) ಎಂದು ಗುರುತಿಸಲಾಗಿದೆ.

  ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ ಪೊಲೀಸ್‌ ಠಾಣೆಯಲ್ಲಿ ತಮ್ಮ ಹೇಳಿಕೆಯನ್ನು ದಾಖಲಿಸಲು ಯುವತಿಯನ್ನು ಕರೆಸಲಾಗಿದ್ದು, ಆ ವೇಳೆ ಯುವತಿಯು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆಂದು ಪೊಲೀಸರು ತಿಳಿಸಿದ್ದಾರೆ.

  ಶೌಚಾಲಯಕ್ಕೆ ತೆರಳಲು ಅವಕಾಶ ಕೋರಿರುವ ಯುವತಿ, ಠಾಣೆಯಲ್ಲಿರುವ ಶೌಚಾಲಯಕ್ಕೆ ತೆರಳಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾರೆ ಎಂದು ಪೊಲೀಸ್‌ ಅಧಿಕಾರಿ ಪ್ರವೀಣ್ ಕುಮಾರ್ ಮೀನಾ ತಿಳಿಸಿದ್ದಾರೆ.

  ಘಟನೆ ಕುರಿತು ರಾಜ್‌ಕೋಟ್‌ ಪೊಲೀಸರು ತನಿಖೆಯನ್ನು ಆರಂಭಿಸಿದ್ದಾರೆ.