ಹಳಿ ಮೇಲೆ ನಡೆಯುತ್ತಿದ್ದಾಗ ರೈಲು ಢಿಕ್ಕಿ-ನದಿಗೆ ಎಸೆಯಲ್ಪಟ್ಟು ಯುವತಿ ದಾರುಣ ಅಂತ್ಯ

•   Sun, May 15 2022 06:59:43 PM



• ಕೊಯಿಕ್ಕೋಡ್​, ಮೇ 15 (DaijiworldNews/DB): ರೈಲು ಢಿಕ್ಕಿಯಾಗಿ ನದಿಗೆ ಎಸೆಯಲ್ಪಟ್ಟು ಯುವತಿಯೋರ್ವಳು ದಾರುಣವಾಗಿ ಮೃತಪಟ್ಟ ಘಟನೆ ಕೇರಳದ ಕೊಯಿಕ್ಕೋಡ್​ನಲ್ಲಿ ಶನಿವಾರ ನಡೆದಿದೆ.

  ಮೃತ ಯುವತಿಯನ್ನು ಕರುವಂತುರುತಿ ನಿವಾಸಿ ನಫಾತ್​ ಫತಾಹ್​ (16) ಎಂದು ಗುರುತಿಸಲಾಗಿದೆ. ಈಕೆ ತನ್ನ ಸ್ನೇಹಿತನೊಂದಿಗೆ ರೈಲು ಹಳಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಕೊಯಮತ್ತೂರು-ಮಂಗಳೂರು ಪ್ಯಾಸೆಂಜರ್​ ರೈಲು ಆಕಸ್ಮಿಕವಾಗಿ ಢಿಕ್ಕಿ ಹೊಡದಿದೆ. ಢಿಕ್ಕಿಯ ರಭಸಕ್ಕೆ ಆಕೆ ಪಕ್ಕದಲ್ಲೇ ಇದ್ದ ನದಿಗೆ ಎಸೆಯಲ್ಪಟ್ಟಿದ್ದಾಳೆ. ನದಿಗೆ ಬಿದ್ದ ಆಕೆ ನೀರಿನಲ್ಲಿ ಕೊಚ್ಚಿ ಹೋಗಿದ್ದು, ಬೇಪೋರ್​ನಲ್ಲಿ ಮೃತದೇಹ ಪತ್ತೆಯಾಗಿದೆ. ಆಕೆಯ ಸ್ನೇಹಿತನಿಗೆ ಕೂಡಾ ಗಾಯಗಳಾಗಿದ್ದು, ಆತನನ್ನು ಕೊಯಿಕ್ಕೋಡ್​ ಮೆಡಿಕಲ್​ ಕಾಲೇಜು ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಸ್ಥಳೀಯ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ಸುದ್ದಿಸಂಸ್ಥೆಗಳು ವರದಿ ಮಾಡಿವೆ.