ದೆಹಲಿಯಲ್ಲಿ ಮತ್ತೊಂದು ಬೆಂಕಿ ದುರಂತ-ಡೈಲಿ ಫಾರ್ಮ್‌ಗೆ ಬೆಂಕಿ ತಗುಲಿ ಇಪ್ಪತ್ತು ಹಸುಗಳು ಸಜೀವದಹನ

•   Sat, May 14 2022 08:43:35 PM



• ನವದೆಹಲಿ, ಮೇ 14 (DaijiworldNews/DB): ಡೈಲಿ ಫಾರ್ಮ್ ಒಂದಕ್ಕೆ ಬೆಂಕಿ ತಗುಲಿ ಸುಮಾರು ಇಪ್ಪತ್ತು ಹಸುಗಳು ಸಜೀವದಹನವಾದ ಘಟನೆ ದೆಹಲಿಯಲ್ಲಿ ಶನಿವಾರ ನಡೆದಿದೆ.

  ರೋಹಿಣಿಯ ಸಾವ್ಡಾ ಗ್ರಾಮದ ಡೈರಿ ಫಾರ್ಮ್‌ನಲ್ಲಿ ಮಧ್ಯಾಹ್ನ ವೇಳೆಗೆ ಈ ದುರ್ಘಟನೆ ಸಂಭವಿಸಿದೆ. ಏಳು ಅಗ್ನಿಶಾಮಕ ವಾಹನಗಳು ಆಗಮಿಸಿ ಬೆಂಕಿ ನಂದಿಸುವ ಕಾರ್ಯ ಕೈಗೊಂಡಿದೆ. ದುರಂತಕ್ಕೆ ಕಾರಣ ಇನ್ನಷ್ಟೇ ಗೊತ್ತಾಗಬೇಕಿದೆ ಎಂದು ಪೊಲೀಸರು ತಿಳಿಸಿರುವುದಾಗಿ ಮಾಧ್ಯಮಗಳು ವರದಿ ಮಾಡಿವೆ.

  ನಿನ್ನೆಯಷ್ಟೇ ಪಶ್ಚಿಮ ದೆಹಲಿಯ ನಾಲ್ಕು ಅಂತಸ್ತಿನ ಕಟ್ಟಡದಲ್ಲಿ ಬೆಂಕಿ ಅವಘಡ ಸಂಭವಿಸಿ ಸುಮಾರು 27ಕ್ಕೂ ಹೆಚ್ಚು ಮಂದಿ ಅಸುನೀಗಿದ್ದರು. ಈ ಘಟನೆ ಮಾಸುವ ಮುನ್ನವೇ ರಾಷ್ಟ್ರ ರಾಜಧಾನಿಯಲ್ಲಿ ಮತ್ತೊಂದು ಬೆಂಕಿ ದುರಂತ ಸಂಭವಿಸಿದೆ.
  ದೆಹಲಿಯ ಬಳಿಯ ಗಾಜಿಯಾಬಾದ್‌ನ ಇಂದಿರಾಪುರಂನ ಹಳ್ಳಿಯೊಂದರ ಡಂಪ್‌ಯಾರ್ಡ್‌ನಲ್ಲಿ ಕಳೆದ ತಿಂಗಳು ಬೆಂಕಿ ಕಾಣಿಸಿಕೊಂಡು ಸನಿಹದ ಗೋಶಾಲೆಗೆ ಹೊತ್ತಿ 38 ಹಸುಗಳು ಸಜೀವದಹನಗೊಂಡಿದ್ದವು.