ಬಡವರಿಗಿಂತ ಹೆಚ್ಚು ಶ್ರೀಮಂತರನ್ನು ಹಣದುಬ್ಬರ ಕಾಡುತ್ತಿದೆ-ವಿತ್ತ ಸಚಿವಾಲಯದ ಹೇಳಿಕೆಗೆ ಸ್ವಾಮಿ ಕಿಡಿ

•   Sat, May 14 2022 03:45:44 PM



• ಬೆಂಗಳೂರು, ಮೇ 14 (DaijiworldNews/DB): ಬಡವರಿಗಿಂತ ಹೆಚ್ಚು ಶ್ರೀಮಂತರನ್ನು ಹಣದುಬ್ಬರ ಕಾಡುತ್ತಿದೆ ಎಂಬ ವಿತ್ತ ಸಚಿವಾಲಯದ ಹೇಳಿಕೆಗೆ ಬಿಜೆಪಿ ರಾಜ್ಯಸಭಾ ಸದಸ್ಯ ಡಾ. ಸುಬ್ರಮಣಿಯನ್‌ ಸ್ವಾಮಿ ಕಿಡಿ ಕಾರಿದ್ದಾರೆ.

  ಈ ವಿಚಾರದ ಕುರಿತು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರನ್ನು ತರಾಟೆಗೆ ತೆಗೆದುಕೊಂಡಿರುವ ಅವರು, ವಿತ್ತ ಸಚಿವರ ಈ ಹೇಳಿಕೆ ಧಾನ್ಯ ಕೊಳ್ಳಲು ಅಸಾಧ್ಯವಾದರೆ ಬಡವರ ಕೇಕ್ ತಿನ್ನಲಿ ಎಂಬಂತಿದೆ. ನಿಜಕ್ಕೂ ಇದು ಅವರೇ ಹೇಳಿರುವುದಾ ಎಂದು ಪ್ರಶ್ನಿಸಿದ್ದಾರೆ.

  ಬಡವರ ಖರೀದಿ ಸಾಮರ್ಥ್ಯವನ್ನು ಹಣದುಬ್ಬರವು ಕುಗ್ಗಿಸುತ್ತದೆ ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌ನ ಗವರ್ನರ್‌ ಶಕ್ತಿಕಾಂತ್‌ ದಾಸ್‌ ಅವರು ಹೇಳಿಕೆ ನೀಡಿದ ಬೆನ್ನಲ್ಲೇ ವಿತ್ತ ಸಚಿವಾಲಯವು ಈ ಹೇಳಿಕೆ ನೀಡಿದೆ ಎಂದು ಅವರು ಸ್ಕ್ರೀನ್‌ಶಾಟ್‌ನ್ನೂ ಲಗತ್ತಿಸಿದ್ದಾರೆ.