ನವದೆಹಲಿ : ಭೀಕರ ಅಗ್ನಿ ಅವಘಡ-ಹಲವು ಮಂದಿ ಸಾವನ್ನಪ್ಪಿರುವ ಮಾಹಿತಿ

•   Fri, May 13 2022 11:27:52 PM



• ನವದೆಹಲಿ, ಮೇ 13 (DaijiworldNews/SM): ಪಶ್ಚಿಮ ದೆಹಲಿಯ ಮುಂಡ್ಕಾ ಮೆಟ್ರೋ ನಿಲ್ದಾಣದ ಸಮೀಪ ಭಾರೀ ಅಗ್ನಿ ಅವಘಡ ಸಂಭವಿಸಿದೆ. ಅವಘಡದಲ್ಲಿ ಹಲವು ಮಂದಿ ಸಾವನ್ನಪ್ಪಿರುವ ಬಗ್ಗೆ ವರದಿಯಾಗಿದೆ.

  ಶುಕ್ರವಾರ ಮಧ್ಯಾಹ್ನ ಭಾರಿ ಬೆಂಕಿ ಅವಘಡ ಸಂಭವಿಸಿದೆ. ಬೆಂಕಿಯ ತೀವ್ರತೆ ಮೂರಂತಸ್ಥಿನ ಕಟ್ಟಡ ಆವರಿಸಿದ ಪರಿಣಾಮದಿಂದಾಗಿ ಸಾವುನೋವು ಸಂಭವಿಸಿದೆ. ಕೆಲವು ಮೂಲಗಳ ಪ್ರಕಾರ ಮೃತರ ಸಂಖ್ಯೆ 20ಕ್ಕಿಂತಲೂ ಹೆಚ್ಚಗಿದೆ ಎಂದು ಹೇಳಲಾಗಿದೆ.

  ಬೆಂಕಿಯ ಬಗ್ಗೆ ಮಾಹಿತಿ ಪಡೆದ ತಕ್ಷಣ ಸ್ಥಳಕ್ಕೆ ಅಗ್ನಿ ಶಾಮಕದಳದ ವಾಹನಗಳು ದೌಡಾಯಿಸಿವೆ. ಆದರೆ, ಬೆಂಕಿ ಹತೋಟಿಗೆ ತರುವುದೇ ಹರಸಾಹಸವಾಗಿದೆ. ರಕ್ಷಣಾ ಕಾರ್ಯಾಚರಣೆಯಲ್ಲಿ ಅಗ್ನಿಶಾಮಕ ದಳ ಸಿಬ್ಬಂದಿಗಳು, ಪೊಲೀಸರು ನೆರವಾಗುತ್ತಿದ್ದಾರೆ.