ಗೂಗಲ್ ಟ್ರಾನ್ಸ್​ಲೇಶನ್ ಗೆ 'ಕೊಂಕಣಿ' ಸೇರ್ಪಡೆ - ಭಾಷಾ ಪ್ರೇಮಿಗಳಿಗೆ ಹರ್ಷ

•   Fri, May 13 2022 09:10:51 AM



• ಬೆಂಗಳೂರು, ಮೇ 13 (DaijiworldNews/MS): ಅಂತರ್ಜಾಲ ಆಧಾರಿತ ಭಾಷಾಂತರ ಅಪ್ಲಿಕೇಶನ್ ಆದ ಗೂಗಲ್ ಟ್ರಾನ್ಸ್ ಲೇಶ ನ್ ಗೆ ಹೊಸದಾಗಿ ಕೊಂಕಣಿ ಯನ್ನು ಸೇರಿಸಿಕೊಳ್ಳಲಾಗಿದೆ ಎಂದು ಗೂಗಲ್ ಸಂಸ್ಥೆ ಪ್ರಕಟನೆ ನೀಡಿದೆ.

  ಈಗಾಗಲೇ 100ಕ್ಕೂ ಅಧಿಕ ಭಾಷೆಗಳು ಗೂಗಲ್ ಟ್ರಾನ್ಸ್​ಲೇಟ್​ನಲ್ಲಿದ್ದು, ಭಾರತೀಯ ಭಾಷೆಗಳಿಗೂ ಗೂಗಲ್ ಮಾನ್ಯತೆ ನೀಡಿದೆ.ಇದೀಗ ಗೂಗಲ್ ಟ್ರಾನ್ಸ್​ಲೇಟ್​​ನಲ್ಲಿ ಹೊಸದಾಗಿ ಭಾರತೀಯ ಭಾಷೆಗಳಾದ ಅಸ್ಸಾಮಿ, ಭೋಜ್​ಪುರಿ, ಡೋಗ್ರ, ಕೊಂಕಣಿ, ಮೈಥಿಲಿ, ಮಣಿಪುರಿ ಮತ್ತು ಮಿಜೋ ಭಾಷೆಗಳು ಸೇರ್ಪಡೆಗೊಂಡಿದೆ.

   ಗೂಗಲ್ ಟ್ರಾನ್ಸ್​ಲೇಟ್​​ನಲ್ಲಿ ಕೊಂಕಣಿ ಸೇರ್ಪಡೆ ಮಾಡಿರುವ ಕುರಿತು ಕೊಂಕಣಿ ಭಾಷಾ ಪ್ರೇಮಿಗಳು ಗೂಗಲ್‌ನ ಪ್ರಯತ್ನವನ್ನು ಶ್ಲಾಘಿಸಿದ್ದಾರೆ. ಕೊಂಕಣಿಯನ್ನು ಗೋವಾ, ಕರ್ನಾಟಕ ಕರಾವಳಿಯಲ್ಲಿ ಮತ್ತು ಮಹಾರಾಷ್ಟ್ರದ ಹಲವು ಭಾಗಗಳಲ್ಲಿ ವ್ಯಾಪಕವಾಗಿ ಮಾತನಾಡುತ್ತಾರೆ.