ಪ್ರಶಸ್ತಿಗಾಗಿ ವೇದಿಕೆ ಏರಿದ ವಿದ್ಯಾರ್ಥಿನಿ-ಆಡಳಿತ ಮಂಡಳಿ ವಿರುದ್ದ ರೇಗಾಡಿದ ವಿದ್ವಾಂಸ!

•   Wed, May 11 2022 12:23:15 PM



• ಮಲಪ್ಪುರಂ, ಮೇ 11 (DaijiworldNews/DB): ಪ್ರಶಸ್ತಿ ಸ್ವೀಕರಿಸಲು ಮುಸ್ಲಿಂ ವಿದ್ಯಾರ್ಥಿನಿ ವೇದಿಕೆ ಹತ್ತಿದ್ದಕ್ಕೆ ಸಿಟ್ಟುಕೊಂಡ ಮುಸ್ಲಿಂ ವಿದ್ವಾಂಸನೋರ್ವ ಶಾಲಾ ಆಡಳಿತ ಮಂಡಳಿಯನ್ನು ತರಾಟೆಗೆ ತೆಗೆದುಕೊಂಡ ಘಟನೆ ಕೇರಳದಲ್ಲಿ ನಡೆದಿದೆ.

  ಕೇರಳದ ಮಲಪ್ಪುರಂನ ರಾಮಪುರಂ ಎಂಬಲ್ಲಿ ನಡೆದ ಮದರಸಾ ಕಟ್ಟಡ ಉದ್ಘಾಟನಾ ಸಮಾರಂಭದ ವೇಳೆ ಪಠ್ಯೇತರ ಚಟುವಟಿಕೆಗಳಲ್ಲಿ ಬಹುಮಾನ ಗೆದ್ದ ವಿದ್ಯಾರ್ಥಿಗಳನ್ನು ಆಯೋಜಕರು ಒಬ್ಬೊಬ್ಬರಾಗಿ ವೇದಿಕೆಗೆ ಕರೆದಿದ್ದಾರೆ. ಅದೇ ರೀತಿ 10ನೇ ತರಗತಿಯ ಮುಸ್ಲಿಂ ವಿದ್ಯಾರ್ಥಿನಿಯೋರ್ವಳು ಕೂಡಾ ಪ್ರಶಸ್ತಿ ಸ್ವೀಕರಿಸಲು ವೇದಿಕೆ ಏರಿದ್ದಾಳೆ. ಈ ವೇಳೆ ಗರಂ ಆದ ಮುಸ್ಲಿಂ ವಿದ್ವಾಂಸ ಎಂ.ಟಿ. ಅಬ್ದುಲ್ಲಾ ಮುಸಲಿಯಾರ್ ಆಕೆಯನ್ನು ವೇದಿಕೆ ಏರಲು ಬಿಟ್ಟ ಬಗ್ಗೆ ಆಡಳಿತ ಮಂಡಳಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾನೆ. ಆಕೆಯನ್ನು ವೇದಿಕೆ ಹತ್ತಲು ಬಿಟ್ಟಿದ್ದೇಕೆ, ಧರ್ಮದಲ್ಲಿ ಈ ಬಗ್ಗೆ ಏನು ಹೇಳಿದೆ, ಆಕೆಯ ಪೋಷಕರನ್ನು ಕರೆಸಿ ಎಂದೆಲ್ಲಾ ಕೂಗಾಡಿದ್ದಾನೆ.

  ವೇದಿಕೆ ಮೇಲೆ ಇತರ ಮುಸ್ಲಿಂ ವಿದ್ವಾಂಸರು ಕೂಡಾ ಇದ್ದರು. ಆದರೆ ಅವರ್‍ಯಾರೂ ಈ ಬಗ್ಗೆ ತಕರಾರು ಎತ್ತಲಿಲ್ಲ. ಸದ್ಯ ಈತ ಕೂಗಾಡಿದ ಫೋಟೋ, ವೀಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.