'ಕೇಂದ್ರ ಸಚಿವರ ಬೇಜವಾಬ್ದಾರಿ ಮಾತಿನಿಂದ ಹಿಂಸಾಚಾರ ಸಂಭವಿಸಿದೆ'-ಪ್ರಿಯಾಂಕಾ ಗಾಂಧಿ ಆರೋಪ

•   Tue, May 10 2022 01:11:57 PM



• ನವದೆಹಲಿ, ಮೇ 10 (DaijiworldNews/DB): ಸಚಿವ ಅಜಯ್ ಮಿಶ್ರಾ ಅವರ ಬೇಜವಾಬ್ದಾರಿಯ ಭಾಷಣದಿಂದಾಗಿ ಉತ್ತರ ಪ್ರದೇಶದ ಲಖಿಂಪುರ ಖೇರಿಯಲ್ಲಿ ಹಿಂಸಾಚಾರ ಸಂಭವಿಸಿದೆ. ಆದರೆ ರೈತರ ಜತೆ ನಿಲ್ಲಬೇಕಾಗಿದ್ದ ಬಿಜೆಪಿ ಸರ್ಕಾರ ಸಚಿವರ ಪರ ನಿಂತಿರುವುದು ವಿಷಾದನೀಯ ಎಂದು ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿ ವಾದ್ರಾ ಟೀಕಿಸಿದ್ದಾರೆ.

  ಈ ಕುರಿತು ಟ್ವೀಟ್ ಮಾಡಿರುವ ಅವರು, ರೈತರ ವಿರುದ್ದ ಕೇಂದ್ರ ಸಚಿವರು ಮಾತನಾಡದೇ ಇರುತ್ತಿದ್ದರೆ ಹಿಂಸಾಚಾರ ಸಂಭವಿಸುತ್ತಿರಲಿಲ್ಲ. ಆದರೆ ರೈತರಿಗೆ ಅವರು ಬೆದರಿಕೆ ಹಾಕಿರುವುದೇ ಹತ್ಯಾಕಾಂಡ ನಡೆಯಲು ಕಾರಣವಾಗಿದೆ. ರೈತರಿಗಾದ ಅನ್ಯಾಯಕ್ಕೆ ರೈತರ ಪರ ನಿಲ್ಲುವ ಬದಲು ಕೇಂದ್ರ ಸರ್ಕಾರ ಸಚಿವರ ಪರ ನಿಂತಿರುವುದು ದುರದೃಷ್ಟಕರ. ನ್ಯಾಯದ ಜ್ವಾಲೆ ಆರದಂತೆ ನಾವೆಲ್ಲರೂ ಸಂತ್ರಸ್ತ ರೈತರ ಕುಟುಂಬದ ಜೊತೆಗಿದ್ದೇವೆ. ಹೋರಾಟ ನಿರಂತರವಾಗಿರಲಿದೆ ಎಂದವರು ತಿಳಿಸಿದ್ದಾರೆ.

  ಉನ್ನತ ಹುದ್ದೆಯಲ್ಲಿರುವ ರಾಜಕಾರಣಿಗಳು ಮಾತನಾಡುವ ಮುನ್ನ ಯೋಚನೆ ಮಾಡಬೇಕು. ತಮ್ಮ ಸ್ಥಾನಮಾನ ಮರೆತು ಮಾತನಾಡಿದರೆ ಅದು ಸಮಾಜದ ಮೇಲೆ ಪರಿಣಾಮ ಬೀರುತ್ತದೆ ಎಂಬುದಾಗಿ ಅಲಹಾಬಾದ್ ಹೈಕೋರ್ಟ್ ಸೋಮವಾರ ಹೇಳಿತ್ತು. ಇದರ ಬೆನ್ನಲ್ಲೇ ಪ್ರಿಯಾಂಕಾ ಅವರು ಟ್ವೀಟ್ ಮಾಡಿ ಕೇಂದ್ರದ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  लखीमपुर किसान नरसंहार में सबसे अहम पहलू था गृह राज्यमंत्री का "किसानों को देख लेने" की धमकी वाला भाषण।
  
  भाजपा सरकार ने किसानों के पक्ष में खड़े होने की बजाय, अपने मंत्री की लाठी मजबूत की।
  
  न्याय का संघर्ष जारी है
  
  पीड़ित किसान परिवार व हम सब मिलकर न्याय की लौ बुझने नहीं देंगे। pic.twitter.com/K5kYBq5LKa

  — Priyanka Gandhi Vadra (@priyankagandhi) May 10, 2022