ಹಸೆಮಣೆ ಏರಬೇಕಿದ್ದ ಯುವತಿ ಮೇಲೆ ಪೆಟ್ರೋಲ್​ ಸುರಿದು ಬೆಂಕಿ ಹಚ್ಚಿದ ಪಾಗಲ್​ ಪ್ರೇಮಿ

•   Tue, May 10 2022 11:51:02 AM



• ನವದೆಹಲಿ, ಮೇ 10 (DaijiworldNews/HR): ಗುರುಗ್ರಾಮ್ ಜಿಲ್ಲೆಯ ಫರೂಖ್‌ನಗರ ಪ್ರದೇಶದಲ್ಲಿ ಇನ್ನೆರಡು ದಿನಗಳಲ್ಲಿ ಮದುವೆಯಾಗಬೇಕಿದ್ದ 24 ವರ್ಷದ ಯುವತಿ ಮೇಲೆ ಪ್ರೇಮಿಯೊಬ್ಬ ಪೆಟ್ರೋಲ್​ ಸುರಿದು ಬೆಂಕಿ ಹಚ್ಚಿರುವ ಘಟನೆ ನಡೆದಿದೆ.

  ಯುವತಿಯನ್ನು ಸೀಮಾ ಎಂದು ಗುರುತಿಸಲಾಗಿದ್ದು, ಆಕೆ ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ.

  ಮೇ 11 ರಂದು ಯುವತಿಗೆ ಮದುವೆ ನಿಶ್ಚಯವಾಗಿದ್ದು, ಇನ್ನೆನು ವಧುವಾಗಿ ಹಸೆಮಣೆ ಏರಬೇಕಿದ್ದಾಕೆ ಆಸ್ಪತ್ರೆ ಬೆಡ್​ ಮೇಲೆ ಸಾವು-ಬದುಕಿನ ನಡುವೇ ಹೋರಾಡುತ್ತಿದ್ದಾಳೆ.

  ಜೈಪಾಲ್ ಅಲಿಯಾಸ್ ಬಿಲ್ಲು ಎಂಬ ನೆರೆಹೊರೆಯ ಹುಡುಗ ಕೆಲ ದಿನಗಳಿಂದ ಯುವತಿಯನ್ನು ಪ್ರೀತಿಸುತ್ತಿದ್ದನು. ಆದರೆ ಈಕೆ ನಿರಾಕರಿಸುತ್ತಾ ಬಂದಿದ್ದಳು. ಇದೇ ಕೋಪದಿಂದ ತನ್ನ ಸಹಚರರೊಂದಿಗೆ ಯುವತಿ ಮನೆಗೆ ನುಗ್ಗಿ ಪೆಟ್ರೋಲ್​ ಸುರಿದು ಬೆಂಕಿ ಹಚ್ಚಿದ್ದಾನೆ ಎನ್ನಲಾಗಿದೆ.

  ಇನ್ನು ಆರೋಪಿ ವಿರುದ್ಧ ಐಪಿಸಿ ಸೆಕ್ಷನ್‌ಗಳ ಅಡಿಯಲ್ಲಿ ಎಫ್‌ಐಆರ್ ದಾಖಲಾಗಿದ್ದು, ಆತನ ಪತ್ತೆಗೆ ಶೋಧ ನಡೆಯುತ್ತಿದೆ.