ಬೆಂಗಳೂರು: 2023ರಲ್ಲಿ ಗೆದ್ದಲ್ಲಿ 10 ಕೆ.ಜಿ. ಉಚಿತ ಅಕ್ಕಿ-ಸಿದ್ದರಾಮಯ್ಯ

•   Sun, May 08 2022 09:15:17 PM



• ಬೆಂಗಳೂರು, ಮೇ 08 (DaijiworldNews/SM)​: ಮುಂದಿನ ಚುನಾವಣೆಯಲ್ಲಿ ಗೆದ್ದಲ್ಲಿ 10 ಕೆ.ಜಿ. ಉಚಿತ ಅಕ್ಕಿ ವಿತರಿಸಲಾಗುವುದೆಂದು, ಮಾಜಿ ಸಿಎಂ ಸಿದ್ದರಾಮಯ್ಯ ಘೋಷಣೆ ಮಾಡಿದ್ದಾರೆ.

  ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ಈ ಹಿಂದೆ ನಾವು ಅಧಿಕಾರದಲ್ಲಿದ್ದ ಸಂದರ್ಭ ಹಲವು ಯೋಜನೆ ಜಾರಿಗೆ ತಂದಿದ್ದೆವು. ಸರಕಾರ ಅಧಿಕಾರಕ್ಕೆ ಬಂದಾಕ್ಷಣ ಘೋಷಣೆಗಳನ್ನು ಜಾರಿಗೆ ತಂದಿದ್ದೆವು. ಆದರೆ, ಇಂದಿನ ಸರಕಾರ ಅದಕ್ಕೆ ಕತ್ತರಿ ಹಾಕಬಹುದು. ಮುಂದಿನ ಚುನಾವಣೆ ಗೆದ್ದಲ್ಲಿ 7 ಕೆ.ಜಿ. ಅಲ್ಲ 10 ಕೆ.ಜಿ. ಅಕ್ಕಿ ನೀಡುವೆ ಎಂದು ಸಿದ್ದರಾಮಯ್ಯ ಘೋಷಿಸಿದ್ದಾರೆ.

  ನಾವು ನೀಡಿದ ಆನೇಕ ಯೋಜನೆಗಳು ಜನರಿಗೆ ಉಪಯುಕ್ತವಾಗಿವೆ. ಅವುಗಳು ಇಂದು ಕೂಡ ಮುಂದುವರೆದಿವೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ಯೋಜನೆ ಜಾರಿಗೊಳಿಸಲು ರಾಜ್ಯದ ಜನತೆ ಆಶೀರ್ವಾದ ನೀಡಬೇಕಾಗಿದೆ ಎಂದು ಅವರು ತಿಳಿಸಿದ್ದಾರೆ.