10 ದಿನವಾದರೂ ಸಿಗದ ಆಸಿಡ್ ದಾಳಿ ಆರೋಪಿಯ ಸುಳಿವು - ಮುಂದುವರಿದ ಶೋಧ

•   Sun, May 08 2022 10:30:46 AM



• ಬೆಂಗಳೂರು, ಮೇ 08 (DaijiworldNews/HR): ಯುವತಿಯ ಮೇಲೆ ಆ್ಯಸಿಡ್ ದಾಳಿ ನಡೆದು 10 ದಿನಗಳಾದ್ರೂ ನಾಪತ್ತೆಯಾಗಿರುವ ಆರೋಪಿ ನಾಗೇಶ್ ಬಂಧನಕ್ಕೆ ಪೊಲೀಸರು 10 ತಂಡ ರಚಿಸಿ, ಪತ್ತೆ ನಡೆಸುತ್ತಿದ್ದಾರೆ.

  ಸುಂಕದಕಟ್ಟೆಯ ಬಳಿಯಲ್ಲಿ ಕಳೆದ 10 ದಿನಗಳ ಹಿಂದೆ ಪ್ರೀತಿಸಲು ನಿರಾಕರಿಸಿ, ಮದುವೆಗೆ ಒಪ್ಪದಂತ ಯುವತಿಯ ಮೇಲೆ ಕಿಡಿಗೇಡಿ ನಾಗೇಶ್ ಎಂಬಾತ ಆ್ಯಸಿಡ್ ದಾಳಿ ನಡೆಸಿದ್ದನು.

  ಇನ್ನು ಈ ಆ್ಯಸಿಡ್ ದಾಳಿಗೆ ಒಳಗಾದಂತ ಯುವತಿ ಗಂಭೀರವಾಗಿ ಗಾಯಗೊಂಡು, ಇದೀಗ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ.

  ಈ ಪ್ರಕರಣ ಸಂಬಂಧ ಪೊಲೀಸರು ಆರೋಪಿಯ ಪತ್ತೆಗಾಗಿ 10 ತಂಡವನ್ನು ರಚಿಸಿ, ರಾಜ್ಯ, ಹೊರರಾಜ್ಯಗಳಲ್ಲಿಯೂ ಹುಡುಕಾಟ ನಡೆಸುತ್ತಿದ್ದಾರೆ.