ನಟ ಸಲ್ಮಾನ್​ ಖಾನ್ ವಿರುದ್ಧದ ಬೆದರಿಕೆ ಪ್ರಕರಣ - ಸಮನ್ಸ್​​ ಅವಧಿ ವಿಸ್ತರಣೆ

•   Thu, May 05 2022 06:00:14 PM



• ಮುಂಬೈ, ಮೇ 05 (DaijiworldNews/HR): ಬಾಲಿವುಡ್​ ನಟ ಸಲ್ಮಾನ್​ ಖಾನ್​ ಪತ್ರಕರ್ತನೊಬ್ಬನನ್ನು ಬೆದರಿಸಿ ಕಿರುಕುಳ ನೀಡಿದ್ದಾರೆ ಎಂಬ ದೂರಿನನ್ವಯ ಏಪ್ರಿಲ್​ 5 ರಂದು ಸಲ್ಮಾನ್​ ಖಾನ್ ಹಾಜರಾಗಿರಲಿಲ್ಲ ಎಂದು ಇದೀಗ ಸದ್ಯ ಸಮನ್ಸ್ ಅವಧಿಯನ್ನು ವಿಸ್ತರಿಸಲಾಗಿದೆ.

  ಪತ್ರಕರ್ತನೊಬ್ಬನನ್ನು ಬೆದರಿಸಿ ಕಿರುಕುಳ ನೀಡಿದ್ದಾರೆ ಎಂಬ ದೂರು ಸದ್ಯ ಸಲ್ಮಾನ್​ ಮೇಲಿದ್ದು, 2019ರಲ್ಲಿ ಈ ಘಟನೆ ನಡೆದಿತ್ತು. ನ್ಯಾಯಾಲಯಕ್ಕೆ ಹಾಜರಾಗಬೇಕೆಂದು ಈಗಾಗಲೇ ಕೋರ್ಟ್​ ಸಮನ್ಸ್ ಜಾರಿ ಮಾಡಿತ್ತು. ಏಪ್ರಿಲ್​ 5 ರಂದು ಸಲ್ಮಾನ್​ ಖಾನ್ ಹಾಜರಾಗಿರಲಿಲ್ಲ. ಹಾಗಾಗಿ ಸದ್ಯ ಸಮನ್ಸ್ ಅವಧಿಯನ್ನು ವಿಸ್ತರಿಸಲಾಗಿದೆ.

  ಇನ್ನು ಪತ್ರಕರ್ತ ಅಶೋಕ್​ ಪಾಂಡೆ ಎಂಬುವವರಿಗೆ ಸಲ್ಮಾನ್​ ಖಾನ್​ ಹಾಗೂ ಅವರ ಬಾಡಿಗಾರ್ಡ್​​ ನವಾಜ್​ ಶೇಖ್​ ದುರ್ವರ್ತನೆ ತೋರಿದ್ದರು ಎನ್ನಲಾಗಿದ್ದು, ಸದ್ಯ ಜೂನ್​ 13ಕ್ಕೆ ಮತ್ತೆ ವಿಚಾರಣೆ ನಡೆಯಲಿದೆ.