ರಾಜಕೀಯ ವಲಯದಲ್ಲಿ ಕುತೂಹಲ ಕೆರಳಿಸಿದ ಸೃತಿ ಇರಾನಿ ವಯನಾಡ್ ಭೇಟಿ .!

•   Tue, May 03 2022 02:44:26 PM



• ತಿರುವನಂತಪುರ, ಮೇ 03(DaijiworldNews/MS): ಕೇಂದ್ರ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಖಾತೆ ಸಚಿವೆ ಸ್ಮೃತಿ ಇರಾನಿ ಕೇರಳಕ್ಕೆ ಭೇಟಿ ನೀಡಿರುವುದು ರಾಜಕೀಯ ವಲಯದಲ್ಲಿ ಕುತೂಹಲ ಕೆರಳಿಸಿದೆ.ಯಾಕೆಂದರೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಪ್ರತಿನಿಧಿಸುವ ಲೋಕಸಭಾ ಕ್ಷೇತ್ರದ ವಯನಾಡು ಜಿಲ್ಲೆಯ ಕಾರ್ಯಕ್ರಮಗಳು ಈ ಪ್ರವಾಸದ ಕೇಂದ್ರ ಬಿಂದು ಆಗಿರುವುದು ಇನ್ನಷ್ಟು ಅಚ್ಚರಿ ಹುಟ್ಟುಹಾಕಿದೆ.

  ಕೇರಳದ ರಾಜಧಾನಿ ತಿರುವನಂತಪುರಂನಿಂದ 450 ಕಿಮೀ ದೂರದಲ್ಲಿರುವ ಗುಡ್ಡಗಾಡು ಜಿಲ್ಲೆ ವಯನಾಡ್, 2018 ರ ಜನವರಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಪ್ರಾರಂಭಿಸಿದ ಮಹತ್ವಾಕಾಂಕ್ಷೆಯ ಜಿಲ್ಲೆಗಳ ಕಾರ್ಯಕ್ರಮದ (ADP) ಅಡಿಯಲ್ಲಿ 112 ಜಿಲ್ಲೆಗಳಲ್ಲಿ ಒಂದಾಗಿದೆ. ಹೀಗಾಗಿ 2024ರಲ್ಲಿ ಗುಡ್ಡಗಾಡು ಪ್ರದೇಶದವಾದ ವಯನಾಡ್ ನಲ್ಲಿ , 2019 ರಲ್ಲಿ ರಾಹುಲ್ ಗಾಂಧಿಯನ್ನು ಅವರ ಅಮೇಥಿ ಭದ್ರಕೋಟೆಯಲ್ಲಿ ಸೋಲಿಸಿದ ನಂತರ ಅವರು ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿಗೆ ಸವಾಲು ಹಾಕುತ್ತಾರೆಯೇ ಎಂದು ಕೆಲವರು ಆಶ್ಚರ್ಯ ಪಡುತ್ತಿದ್ದಾರೆ.

  ಭೇಟಿ ಏಕೆ ಮತ್ತು ಅದರ ಮಹತ್ವವೇನು?

  ಮಂಗಳವಾರ ಬೆಳಗ್ಗೆ 10ರಿಂದ ಸಂಜೆ 4.40ರ ನಡುವೆ ಸಚಿವರ ಏಳು ಕಾರ್ಯಕ್ರಮಗಳಿದ್ದು, ಯಾವುದೂ ‘ರಾಜಕೀಯ’ವಲ್ಲ. ಸ್ಮೃತಿ ಇರಾನಿ ವಯನಾಡ್‌ಗೆ ಭೇಟಿ ಅಲ್ಲಿನ ಬುಡಕಟ್ಟು ವಸಾಹತುಗಳ ಸ್ಥಿತಿಯನ್ನು ಮೌಲ್ಯಮಾಪನ ಮಾಡಲು ಮತ್ತು ಕೇಂದ್ರದಿಂದ ನೀಡಲಾದ ಪ್ರಯೋಜನಗಳು ಅವರಿಗೆ ತಲುಪುತ್ತಿವೆ ಎಂದು ಖಚಿತಪಡಿಸಿಕೊಳ್ಳಲು ಹೋಗಲಿದ್ದಾರೆ.ಒನ್ ಸ್ಟಾಪ್ ಸೆಂಟರ್, ಮರವಯಲ್ ಬುಡಕಟ್ಟು ವಸಾಹತು, ಪೊನ್ನಾಡ ಅಂಗನವಾಡಿ ಮತ್ತು ವರದೂರು ಸ್ಮಾರ್ಟ್ ಅಂಗನವಾಡಿಗಳಿಗೆ ಕ್ಷೇತ್ರ ಭೇಟಿಯಲ್ಲಿ ಇರಾನಿ ಭಾಗವಹಿಸಲಿದ್ದಾರೆ. ಸಂಜೆ ದೆಹಲಿಗೆ ತೆರಳುವ ಮುನ್ನ ಅವರು ವಿವಿಧ ಪಾಲುದಾರರನ್ನು ಭೇಟಿಯಾಗಲಿದ್ದಾರೆ.

  ಭಾರತೀಯ ಜನತಾ ಪಕ್ಷವು, ಸ್ಮೃತಿ ಇರಾನಿ ಭೇಟಿ ಹಿಂದೆ ಯಾವುದೇ ರಾಜಕೀಯ ಅಜೆಂಡಾ ಇಲ್ಲ ಎಂದು ತಳ್ಳಿಹಾಕಿದೆ ಮತ್ತು ಇದು ದೇಶದ ಬುಡಕಟ್ಟು ಪ್ರದೇಶಗಳಲ್ಲಿನ ಅಭಿವೃದ್ದಿಗಾಗಿ ತನ್ನ ಪ್ರಯತ್ನಗಳ ಮುಂದುವರಿಕೆಯಾಗಿದೆ ಎಂದು ಹೇಳಿದೆ.