ಜೀವಂತ ಕೋಳಿಯ ರೆಕ್ಕೆ ಕಿತ್ತು ಭಾಗವಾಗಿಸಿದ ಕಟುಕ ಪೊಲೀಸ್ ವಶಕ್ಕೆ

•   Sat, Apr 30 2022 06:11:09 PM



• ಪರಸ್ಸಾಲ, ಏ 30 (DaijiworldNews/DB): ಜೀವಂತ ಕೋಳಿಯ ರೆಕ್ಕೆ ಪುಕ್ಕ ಕಿತ್ತು ಎರಡು ಭಾಗವಾಗಿಸಿದ ಆರೋಪದ ಮೇಲೆ ವ್ಯಕ್ತಿಯೋರ್ವನನ್ನು ಕೇರಳದ ಕೆಲ್ಲೆಂಗೋಡ್​ ಪೊಲೀಸರು ಬಂಧಿಸಿದ್ದಾರೆ.

  ಬಂಧಿತನನ್ನು ಪುಥನ್ವೀತಿಲ್​ ಮನು (36) ಎಂದು ಗುರುತಿಸಲಾಗಿದೆ. ಮನು ಎಂಬಾಂತನ ಕೆಲ್ಲೆಂಗೋಡ್‌ನಲ್ಲಿರುವ ಚಿಕನ್ ಸೆಂಟರ್‌ಗೆ ಗ್ರಾಹಕರೊಬ್ಬರು ಚಿಕನ್ ಕೊಳ್ಳಲು ಬಂದಿದ್ದರು. ಈ ವೇಳೆ ಕೋಳಿಯನ್ನು ಸಾಯಿಸದೇ ಜೀವಂತವಾಗಿಯೇ ರೆಕ್ಕೆ ಪುಕ್ಕ ಕಿತ್ತಿದ್ದಾನೆ. ಅಲ್ಲದೆ ರೆಕ್ಕೆ ಪುಕ್ಕ ಕೀಳುವಾಗಿನ ನೋವಿನಲ್ಲಿ ಕೋಳಿ ಚೀರಾಡುತ್ತಿದ್ದರೂ, ಅದೇ ಸ್ಥಿತಿಯಲ್ಲಿ ಕೋಳಿಯನ್ನು ಎರಡು ಭಾಗವಾಗಿ ಕತ್ತರಿಸುವ ಮೂಲಕ ಜೀವಂತ ಕೋಳಿಗೆ ಚಿತ್ರಹಿಂಸೆ ನೀಡಿ ಸಾಯಿಸಿದ್ದಾನೆ. ಇದರ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಭಾರೀ ಆಕ್ರೋಶ ವ್ಯಕ್ತವಾಗಿತ್ತು.

  ಇದೀಗ ಆರೋಪಿ ಮನುವನ್ನು ಪೊಲೀಸರು ಬಂಧಿಸಿದ್ದು, ಆತನ ವಿರುದ್ದ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.