ಸಂಚರಿಸುತ್ತಿದ್ದಾಗಲೇ ಉರುಳಿದ ಭಾರೀ ಗಾತ್ರದ ಕಲ್ಲು-ಬೈಕ್ ಸವಾರ ಸಾವು

•   Sat, Apr 30 2022 03:50:24 PM



• ಕೇರಳ, ಏ 30 (DaijiworldNews/DB): ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಬೈಕ್ ಮೇಲೆ ಭಾರೀ ಗಾತ್ರದ ಕಲ್ಲು ಉರುಳಿ ಬಿದ್ದು, ಬೈಕ್ ಸವಾರ ಸಾವನ್ನಪ್ಪಿದ ಘಟನೆ ಕೇರಳದ ತಾಮರಸ್ಸೇರಿಯಲ್ಲಿ ನಡೆದಿದೆ.

  ವ್ಯಕ್ತಿಯೋರ್ವ ತನ್ನ ಬೈಕ್‌ನಲ್ಲಿ ರಸ್ತೆ ಮೇಲೆ ಸಂಚರಿಸುತ್ತಿದ್ದ. ಈ ವೇಳೆ ರಸ್ತೆ ಪಕ್ಕದಲ್ಲೇ ಇರುವ ಗುಡ್ಡದಿಂದ ಭಾರೀ ಗಾತ್ರದ ಕಲ್ಲೊಂದು ಉರುಳಿ ಬಂದಿದ್ದು, ಬೈಕ್ ಸವಾರನ ಮೇಲೆ ಬಿದ್ದಿದೆ. ಇದರಿಂದ ಆತ ಆಯತಪ್ಪಿ ಎಡಬದಿಯಲ್ಲಿರುವ ಕಮರಿಗೆ ಬಿದ್ದಿದ್ದಾನೆ. ಅಲ್ಲದೆ ಕಲ್ಲು ತಾಗಿದ್ದರಿಂದ ತೀವ್ರ ರಕ್ತಸ್ರಾವವಾಗಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾನೆ.
  ಮೃತ ಸವಾರನ ಬೈಕ್ ಹಿಂದೆ ಹೋಗುತ್ತಿದ್ದ ಇನ್ನೊಬ್ಬ ಬೈಕ್ ಸವಾರ ಈ ದೃಶ್ಯವನ್ನು ತನ್ನ ಮೊಬೈಲ್‌ನಲ್ಲಿ ಸೆರೆ ಹಿಡಿದಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಈ ವೀಡಿಯೋ ವೈರಲ್ ಆಗಿದೆ.

  ಬೈಕ್ ಹಿಂದೆ ಹೋಗುತ್ತಿದ್ದ ಮತ್ತೋರ್ವ ಬೈಕ್ ಸವಾರ ಈ ಶಾಕಿಂಗ್ ದೃಶ್ಯವನ್ನು ತನ್ನ ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದಾನೆ.