ಕಾರಿನಲ್ಲಿ ಹೆರಾಯಿನ್‌ ಸಾಗಾಟ-ವಿದ್ಯಾರ್ಥಿನಿ ಸಹಿತ ಮೂವರ ಬಂಧನ

•   Fri, Apr 29 2022 04:07:58 PM



• ಪಂಜಾಬ್, ಏ 29 (DaijiworldNews/DB): ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಓರ್ವ ಕಾಲೇಜು ವಿದ್ಯಾರ್ಥಿನಿ ಮತ್ತು ಆಕೆಯ ಇಬ್ಬರು ಸಹಚರರಿಂದ ಸುಮಾರು 6 ಕೆಜಿಯಷ್ಟು ಹೆರಾಯಿನ್‌ನ್ನು ಪಂಜಾಬ್ ಮಾದಕ ದ್ರವ್ಯ ನಿರೋಧಕ ವಿಭಾಗದ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

  ವಿದ್ಯಾರ್ಥಿನಿಯನ್ನು ಎಂಎಸ್ಸಿ ಪದವಿ ವ್ಯಾಸಂಗ ಮಾಡುತ್ತಿರುವ ಲವ್ ಪ್ರೀತ್ ಕೌರ್ ಹಾಗೂ ಸಹಪಾಠಿಗಳನ್ನು ದೀಪ್ ರಾಯ್ ಮತ್ತು ಮೇಹಕ್ ರಾಯ್ ಎಂದು ಗುರುತಿಸಲಾಗಿದೆ. ವಿದ್ಯಾರ್ಥಿನಿ ಪ್ರತಿಷ್ಠಿತ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿದ್ದು, ಆಕೆಯ ಸಹಪಾಠಿಗಳಿಬ್ಬರು ಭಾರತ-ಪಾಕಿಸ್ತಾನ ಗಡಿ ಸನಿಹದ ಮಹಾವ ಗ್ರಾಮದ ನಿವಾಸಿಗಳು.

  ಎಸ್‌ಯು ವಿ ಕಾರಿನಲ್ಲಿ ಮೂವರು ಪ್ರಯಾಣಿಸುತ್ತಿದ್ದ ವೇಳೆ ಅಮೃತ್ ಸರದ ವಲ್ಹಾ ಬೈಪಾಸ್ ಬಳಿ ಪೊಲೀಸರು ಅಡ್ಡಗಟ್ಟಿ ತಪಾಸಣೆ ನಡೆಸಿದ್ದಾರೆ. ಈ ವೇಳೆ ಆರು ಕೆಜಿಯಷ್ಟು ಹೆರಾಯಿನ್ ಪತ್ತೆಯಾಗಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 30 ಕೋಟಿ ರೂ.ಗಳಿಗೂ ಅಧಿಕ ಬೆಲೆ ಹೊಂದಿರುವಷ್ಟು ಹೆರಾಯಿನ್‌ ಇವರ ಬಳಿ ಇತ್ತು. ಇದೀಗ ಮೂವರನ್ನು ವಶಕ್ಕೆ ಪಡೆದಿರುವ ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.